يخلي خوتك ليه

يخلي خوتك ليه
للكـآإتـبهـ وردة بلادي...



منتديـآإت جوهرة الكون
www.z55z.com

قصة جديدة بقلم
:: وردة بلادي ::

الأخوه :: غصن رطب لا ييبس ولا يجف ..
الأخوه :: نهر جاري .. لا ينقطع سيله ولا يكف ..
الأخوه :: صداقة ووفاء .. و رفعة وعطاء .. الى آخر العمر ..
منتديـآإت جوهرة الكون
www.z55z.com


الجزء الأول
التعريف بالشخصيات

خلفان ..
الولد العود .. عمره 27 سنه .. شديد شوي .. يعني بس يعطي نظره وحده الكل يخاف.. وظيفته حكوميه .. وهو خاطب بنت عمه ناعمه ..

حريز ..
ايي بعد خلفان .. عمره 23 سنه ..وهو هادي .. ما يخصه في حد .. تقدر تقول عنه انسان غامض .. محد يعرف بشوه يفكر .. وشوه اللي يدور فراسه .. بس مرح بعض الاوقات .. ينفع ينسيك حزنك .. واكثر واحد فاهم خواته هو ..

اليازي .. واليازيا ..
طبعا من تقارب الأسماء عرفتوا انهن توم .. بنتين عمارهن 18 سنه .. الوحده تكبر الثانيه بـ ثلث ساعه بس .. الأكبر بينهن هي اليازيا .. يشابهن وااااايد وبطريقه فظيعه .. يعني ما في فرق بينهن ابد .. غير ان وحده لها شامه على كفها اليسار .. تحت جهة اليمين وهاي هي اليازي .. بس هالفرق الوحيد بينهن .. شعرهن يوصل لركبهن .. قاصينه طبقتين .. بحيث الطبقه اللي فوق تكون اقصر وتوصل لجتوفهن ..
طوال .. ومب متان ولا ضعاف يعني .. كل وحده عليها خدود ورديه .. ويوم تشوفهن تقول كل النعومه فيهن .. بس العكس صحيح .. دفاشة الدنيا فيهن مع ان ما يليق على مظهرن الخارجي ..
في مميزات بينهن ... اول ميزه واهمها .. ان من تخرجن والعرسان اييون يخطبونهن ولا وحده فيهن توافق .. واذا ابوهن جبرهن .. هن بعد ينجبرن بأنه عريس الغفله يخضع لتجاربهن وخططهن اللي تخليه يشرد ولا يفكر فالعرس ابد ..

فهيد ..
آخر العنقود .. يحب يظهر برع البيت ويلعب دوم ... عقله كبير ويفهم بسرعه .. عمره 13 سنه

---------------

حامد ..
الدنيا عنده لعب لا يروح فكركم بعيد .. عمره 27 سنه.. يعني كل مشكله عنده في هالدنيا ولها حل.. بس كل اللي ذكرته من شخصيتهه يوم يكون ويا ربعه .. اما يمعات العايله بس يشوفهم من مناسبه لغيرها .. وما يجتمع وايد وياهم.. وينقهر من نوف ودلعها ..

ناعمه..
بنت شفافه وناعمه اسم على مسمى 25.. على شدة خلفان و هيبته تحبه ..وهو ولد عمها وخاطبنها .. يعني ما بتلقى احسن منه ..

حارب ..
يحب السوالف والظحك والغشمره .. ويحب اليمعات .. بس تكون يمعات شباب مب شياب .. عمره 23 سنه .. وهو اقرب واحد لـ حريز ولد عمه ..

نوف ..
عمرها 7 سنوات .. وهي وايد حشره .. تموت على اخوها حارب .. بس يوم يكون الموضوع متعلق بسيرتها للعين عند بنات خالها هناك .. تنسى حارب وتنسى طوايفها كلهم .. وهي حاليا هناك ..

---------------

ناصر ..
عمره 27 سنه .. عليه ذاك الجمال اللي يعق الطير من السما ..ربيع خلفان الروح بالروح..اذا بغى يفضفض باللي فخاطره يقوله حق خلفان .. واذا بغى من يساعده في مشكله يلجأ لـ خلفان .. وخلفان بعد نفس الشي .. ويشتغل في نفس المكان اللي يشتغل فيه خلفان ..

شهاب..
حشره + مسولفجي + يخرب كل شي = شخصيه روعه .. عمره 21 سنه .. بعده يدرس فالجامعه نظم المعلومات ..

شذى..
بنيه حلوه وطيبه ..عمرها 19 سنه .. تدخل القلب بسرعه مع انها حشره ... ولانها البنت الوحيده فالبيت .. فكل حد يطلع حرته فيها .. وهي بروحها تدلع عمرها .. لان الدلع كله للولد الصغير اللي هو شهاب .. يشاركها دلع امها واخوانها .. بس دلع ابوها ما يقدر ..




اليازي: متى بيظهرون ؟؟
اليازيا: ما ادري
اليازي: تعبت من كثر ما اتريا
اليازيا: تعالي تعالي بسرعه ظهروا
اليازي: هههههااااااااااي اطاعي شكله هههههه
اليازيا: احسن يتأدب محد قاله
اليازي: هههههه كيف يحجج جسمه قطعه
اليازيا: تصدقين كسر بخاطريه
اليازي: قومي انزين .. ميته عليه وافقي
اليازيا: بسم الله عليه ..
اليازي: عيل اسكتي ..

اليازي واليازيا كانن يراقبن الرياييل وهم يظهرون من الميلس .. والقصه كالمعتاد واحد مثله مثل اي واحد ما عرف حليله بأن في هالبيت ما في بنات للزواج (هذا راي اليازي واليازيا) يا ويبغي يخطب .. بس النتيجه انه خضع لمقلب من مقالب التوم .. الله يعينه .. وهن ملصقات ويوهن في زجاج الصاله .. ومندسات ورا الستاره .. دخل اخوهن فهيد ..

فهيد: شووووه تسون ؟؟
اليازي (فزت من مكانها): بسم الله الرحمن الرحيم
فهيد (وهو ييلس عالكرسي): شوه تسون ؟؟
اليازيا: ما يخصك
اليازي: هاللي ناقص بعد اليهال يدخلون
فهيد: جني ما اعرف انكن تراقبن الرياييل اللي كانوا فالميلس
اليازيا: زين يوم تعرف
اليازي: وفرت علينا
فهيد: والله متفيجات .. وهاللي ياي متفيج زياده .. يعني صدق اهبل ما لقى غير من بيتنا يخطب
اليازيا:انا ادري روح قوله والله
فهيد: لو كان بايدي بقوله والله .. قبل ما ياكل من هالمقالب .. صح تعالن شوه سويتن هالمره ؟؟
اليازيا (وهي تظحك):ههههههههه اصبر شوي شوي .. الحين بتييك الأخبار
فهيد: الله يعين

ومن شافن ابوهم واخوانهم يايين صوب الصاله .. ركظن ويلسن مؤدبات ولا جنه يعرفن بالسالفه او مسويات شي ..

فهيد: الله عالأدب
اليازيا:جب انته
بو خلفان: السلام عليكم والرحمه
الكل: وعليكم السلام
اليازيا: مرحبا بالغالي
بو خلفان: مرحبا بج
اليازيا: اقول ابويه تبغي نحط لك العشا
بو خلفان: بلاج الله يهديج .. توني متعشي مع الرياييل
اليازيا: اوه صح نسيت ابويه اسمح لي
اليازي(وهي تبغي تسحب الكلام من ابوها): ثرنا لهينا ونسينا
فهيد: الحين انتي شدخلج .. هو يرمس اليازيا
اليازي: والله بعطيك بالنعال الحين
بو خلفان: قومي قومي عطيه .. ولا تحسبي لي حساب .. قومي شوه تتريين بعد
اليازي: آسفه ابويه
اليازيا: اسمح لها ابويه .. بس هذا فهيد من الصبح ملعوزنا
فهيد: اناااااااااا ؟؟ والله توني ياي من برع
بو خلفان :وانته ليش ما ييت الميلس تجابل الرياييل ويانا والا فالح بس هياته من بيت فلان لبيت علان
فهيد: ابويه بعدني صغير على هاليلسات .. وبعدين ايي واعرف شوه بتكون ردة الفعل واعرف شوه بيكون الجواب .. اتعب عمريه شحقه
حريز: تعلم
فهيد: والله ما فيه ظحكه لا تظحكني غصب ههههههه
اليازيا:ههههههه هيه والله حتى انا
فهيد (وهو يطالع اليازي): افففففف بعد رمست .. انتي شدخلج
اليازي:لا تطالعني مساعه كنت انا اللي ارمس الحين اليازيا رمست
فهيد: انتي والا هي كله واحد .. تعودنا
خلفان: ها ابويه شرايك بالمعرس

من طرا خلفان المعرس .. واليازيا واليازي يترين بس واحد فيهم يرمس ويقول انه ما يناسبهن ويفتكن منه مثل الباقين ..

بو خلفان: ما ادري
حريز : انا اشوف انه ما يناسب ولا وحده فيهن
بو خلفان: وانا بعد .. من الصبح يالس ويحجج فجسمه .. ما ادري مريض شفيه .. عفانا الله .. ما فينا نبلي وحده من بناتنا به
خلفان: انا بظهر الحين .. مع السلامه
بو خلفان: وانا بسير حجرتيه .. متى ما امكم يت خبروني
اليازيا: ما يحتاي روحها بتيي الحجره عندك

اليازيا واليازي كاتمات الظحكه .. بس يترين متى ابوهن يسير الحجره .. واخوهن خلفان يظهر .. واول ما ظهروا هالاثنين .. ظحكن ظحك لين ما دموعهن نزلت ..

حريز: شوه حطيتن فالميلس؟؟
اليازيا: ما شي
حريز:علي انا هالسوالف .. قولي بسرعه
اليازي:حطينا بودره ههههههههههه
فهيد: مقوات عينكن .. صدق ان كيدهن عظيم
اليازي: توك تدري هههههههه
حريز: انزين بس عاد
اليازيا:ههههههههه اتخيل شكله
اليازي: احسن .. افففف راحه والله راحه
حريز: حرام عليكن .. والله جريمه ولازم تتعاقبن عليها
اليازي:حريز .. انتوا اللي حرام عليكم .. يعني قلنا لكم ما نبغيه العرس .. مب غصب
فهيد: بكفيج انتي وياها .. نحن نبغي نعرسكن ونفتك
اليازيا: مالت عليك
فهيد: اختيه العوده وقدوه وقدوه .. القدوه تقول مالت عليك انا بعد ما انلام
حريز: والله شاك انكن حاطات بس بودره .. الريال قطع عمره ..
اليازي:لا لاتخاف .. بس خل يسبح وخلاص ما بيقطع عمره بعدها
اليازيا:اما اذا كان ما يسبح فهاي مشكلته يعاني لين ما يتكرم حضرته يغسل جسمه هههه
فهيد: لوعتن جبدي
حريز: تصدقن والله حاس بحجه فجسمي .. ليكون حطيتن فالميلس كله
اليازيا:لالا بس وين ما هو يالس ..
فهيد: شدراكن انه هني بييلس؟؟
اليازيا:لان اي حد ايي ييلس هناك
حريز (وهو يحجج جسمه): انا اسير اسبح احسن والله
اليازيا:هههههه روح الحق على عمرك عيل ..

شذى كانت يالسه فالصاله ويا امها .. دخل شهاب وهو منتهي تعبان .. ومب متفيج ..

شذى:الناس يسلمون
شهاب:مب متفيج
ام ناصر: بلاك ؟؟ شفيك ؟؟ قلت لك لا تظهر لا تظهر ظهرت والحين راد وانته تعبان ..
شهاب:والله امايه ما فيه الحين عالمحاظرات
شذى:دوم هالجمله على لسانك متى عيل بتتفيج
شهاب:بتسكتين والا صدق اقوم لج الحين
ام ناصر:بس يا شذى سكتي عن اخوج
شذى:شوه والله ملل .. هم يظهرون يسيرون ويردون .. وانا حليلي هني محبوسه فالبيت .. اففففففف شوه هالعيشه
ام ناصر:يعني تبغين تظهرين انتي بعد ؟؟
شذى:هيه عيل .. شوه قالولج عني .. ثرني انسانه حالي حال هذيل
شهاب: يالله يالله .. يلسي فالبيت .. البنت مكانها البيت
شذى:والولد الشوارع والهياته والا شوه ؟؟
ام ناصر: صح كلام اخوج بعد شعنه تراددين
شهاب: قفطوها .. سكتي سكتي الله يخليج
شذى:اففففففف
ام ناصر:لا تتأففين .. وقومي حطي العشا لاخوج
شذى:والله يبغي يدله المطبخ .. يروح ويحط لعمره .. انا مب متفيجه
شهاب: ومنوه قال اني باكل لو حطيتي لي .. اخافج تحطين سم ما فيه عقب ..
شذى:احسن
ام ناصر:فديتك والله يا ولدي .. انا بقوم احطي لك .. هاي خلها دومها مب متفيجه ..
شهاب:لا الغاليه والله ما ابغي .. لو ابغي بقول .. بس متعشي وخالص ..

اليازيا كانت فالحجره ووياها اليازي .. وكانن يسولفن عن الجامعه وعن الدراسه .. وعن الأرف!!!

اليازيا:تذكرين قبل شوه كنا نسوي في حصة الجغرافيا
اليازي:هههههههه غبيه كانت الأبله ..
اليازيا:ما كانت غبيه .. احس انها كانت تتغابى .. عاد مب لهالدرجه فرينا اوراق عادي فرينا مقالم عادي فرينا دفاتر عادي فرينا كتب وخرايط وشنط عاد صدق انها تتغابي يعنى ما تشوف
اليازي:هههههه يمكن صدق ما كانت تشوف .. وبعدين تدريبها ما بتسوي شي ... تعرف ان بنطلع منها
اليازيا:هههههه غباااااااااااء
اليازي:انزين تذكرين حصة التاريخ
اليازيا:فديييييت فطوم انا
اليازي:منوه فطوم ؟؟
اليازيا:منوه بعد ؟؟ ابلة فاطمه ابلة التاريخ
اليازي:هيييييييه صح .. هيه والله فديتها .. كانت طيوبه
اليازيا: والا ابلة الرياضيات

هههههههه تذكرين يوم بدلنا اوراقنا انا وانتي ..
اليازي:هيه عيل ما اذكر .. ما كنتي مذاكره هذاك اليوم .. بدلنا الأوراق وكتبت لج الاجابات
اليازيا:الله يخس ابليسها اونها عاد جكتنا بس مشتها لنا
اليازي:خليها زييييييين .. خلصت السنه ونجحنا الحمدلله وافتكينا
اليازيا:هيه والله

ويسمعن حد يدق الباب ..

اليازيا:ادخل ادخل ..
اليازي: منوه ؟؟
اليازيا:يعني في غيره فهييييييد
فهيد (فج الباب ودخل) :كيف عرفتييييينيييييي
اليازيا: ساحره
فهيد:ما استبعد
اليازي:نعم خير شوه تبغي؟؟
فهيد: ويوهكن مب ويه حد يعطيكن سالفه .. بس شوه نسوي ..
اليازي:خلصنا شوه تبغي ؟؟
فهيد:حريز تحت ويايب فلم يديد .. مسرحية على كيف كيفكن ..يقول لكن تبغن تشوفنه .. تعالن تحت بسرعه

نقزت اليازيا واليازي وياها .. مسرحيه يديده وحريز يايبنها اكيد حلوه .. اخوهن ذويق ..

فهيد:هييييييييييييييي هييييييي انتي وياها
اليازيا:شوووووه
فهيد:لبسن شيلكن
اليازيا: لا تقول حارب وياه
فهيد:هيه وياه
اليازي:هههههههه الحين بيتخربط مثل كل مره
اليازيا:عاد هالحارب .. والله احس انه يجذب .. واحس انه وايد يستعبط
فهيد:لا والله .. حرام عليج لا تظلمينه .. ما يعرف
اليازيا:بلى يعرف
فهيد:انا اللي اخوكن مرات ما اعرف .. هو بعد ما ينلام
اليازي:انزين يالله بسرعه .. يسويها حارب ويشل الفلم ويرد بيتهم يطالعه

حارب وحريز كانوا يالسين .. نزلت اليازيا واليازي .. ووياهن فهيد ..

اليازي:السلام عليكم
حارب:هلاااااااااااا .. هلا والله ببنات عمي هلا
اليازي:اهلين .. بحويرب

حارب: حويرب ؟؟!! بطوفها لج .. شحالكن
اليازيا:بخير
حارب:والله احس ان عيوني تعورني يوم اشوفكن
اليازيا:احسن عيل لا تشوفنا
حارب:انتي منوه الحين ام لسان
اليازيا:يزوي
حارب:لااااااااااااا .. حلفي ؟؟ قولي والله ؟؟ تصدقين عاد يعني اسمج انتي فالشرق والثانيه فالغرب.. انتي قلتي يزوي وادلعين عمرج عسب جذه انا عرفت منوه اللي ترمسني
اليازي:ههههههههه شوه نسوي يوم سمونا بأسماء متقاربه بعد
حارب:والله مصخره .. اونه عاد عمي.. سمى الاولى اليازيا .. و زاد شي وسوى انجاز في اسم الثانيه .. شل الألف الاخيره واختصر السالفه على عمره
فهيد:يالله حطوا الفلم
حريز:اصبر بنعيده
فهيد:ليش انتوا شايفينه ؟؟
حارب:لا يا بويه ما شفناه . وين بنشوفه يعني
فهيد:قلت بعد يمكن !!
حارب:اليوم الخميس صح
اليازي:هيه وباجر اليمعه
اليازيا:على طاري الخميس .. جيه ما يبت ناعمه وياك ؟
حارب:والله ما احيد اني اشتغل تاكسي اييب واودي لكن ..
اليازي:سخيف انزين
حريز:كان ويايه .. وكنا ظاهرين ويا الشباب وين نييب ناعمه بعد
اليازيا:حليلها هالناعمه
حارب:تتريا فارس الاحلام متى يشفق عليها ويقول يالله .. طنق طنق ..عرس
اليازيا:هههههههههه حلوه حلوه .. بس لا تعيدها
حارب:لااااااااااا .. حلفي .. قولي والله ؟؟ لهالدرجه عيبتج
اليازي:هههههه هيه والله حتى انا عيبتني ..
حريز: انته جنك الا مصختها يالله شغل
فهيد:هيه والله
حارب:هدووووووء بدت المسرحيه


خلفان: ناصر بسك عاد
ناصر:يوعان والله يوعان
خلفان: نرد البيت الوقت متأخر باجر اليمعه بعد
ناصر:انزين وشوه يعني ؟؟
خلفان: شوه يعني شوه ؟؟ صلاه بيقومونا من وقت
ناصر:هيه صدق والله ذكرتني ..
خلفان:نش عيل
ناصر:خلني اخلص وجبتي .. دافع فيها
خلفان:برد لك البيزات اللي دفعتها بس نش .. ما فيه الحين تلقى يمكن العيوز اترياني جني ياهل
ناصر:لااااااااا انا عيوزتنا ملت من كثر ما اتريا .. ترقد الحين ولا تعبر
خلفان: والله احسن
ناصر:انزين يالله الحمدلله .. سرينا
خلفان:يالله ..

نشوا خلفان وناصر بيردون البيت .. خلفان بيوصل ناصر وعقب بيسير بيتهم ..

خلصت المسرحيه .. وفهيد فيه رقااااااااااد من الخاطر .. واليازي واليازيا للحين ما خلصن ظحك .. مع ان المسرحيه خلصت !!!

حارب:والله خبايل
اليازي:ههههههههه يظحك والله يظحك
فهيد:انا بسير ارقد ..
حريز:بس يالله نشن انتن بعد باجر اليمعه
حارب:دخل دخل هالسويحرات خواتك
اليازيا: نحن الحين ما بنرقد حتى لو سرنا فوق
حريز:ليش؟؟ شوه تبغن بعد
اليازي:بنتم نسولف لين نرقد ..
حريز:سيرن رقدن بسكن ..
اليازيا: حرييييييييييييييييييز
اليازي: الله يخليك
حريز ( ما قدر يقاوم نظرات خواته مع انه يعرف انهن يمثلن):خلاص كيفكن
حارب:ط .. لو انا منك بدخلن حجرهن غصبن عنهن .. والله حاله .. قصن عليه بكلمه ويالله خلاهن
اليازي:اففففف يالغيره .. لا تخرب اخونا علينا
حارب:كيفكن انتن واخوكن هذا .. انا بسير بيتنا
اليازيا:سلم على ناعمه

حارب قبل ما يرمس شاف اليازيا فاتحه عينها واليازي شراتها .. وركظن فوق بسرعه ..

حارب:بسم الله بلاهن خواتك
حريز:شوف وراك

وشاف ان خلفان كان داخل توه من باب الحوش بسيارته ..

حارب:هههههههه وانا اقول
حريز:عسب جذه خليتهن .. عرفت ان الحين خلفان بيي وبروحن بيسيرن
حارب:والله خواتك .. ما في منهن
حريز: ادريييييي ان ما في مثلهن ..
حارب:لا تصدق عمرك .. اقصد ما في مثلهن .. يعني وعععععع
حريز:مالت عليك .. سر سر بيتكم
حارب:ههههههه تطردني .. بيت عمي انزين
حريز:سر سر انزين ليكون تبغي تبات هني بعد
حارب: حلوه الفكره .. يالله وين في حجره فاضيه
حريز:اقولك .. ادل الباب والا ادليك
حارب:هههههههه لا ادله .. يالله بسير الحين
حريز:اشوفك باجر ان شاء الله
حارب:ان شاء الله اذا الله حيانا .. مع السلامه .. وسلم على خواتك هههههه السويحرات
حريز:الله يسلمك هههههههه

في حجرة التوم .. عقب ما بدلن ثيابهن .. تمن يتحرطمن ..

اليازيا:اففففففف خرب علينا
اليازي: كله من حوبات حويرب
اليازيا: بسنا خلاص نرقد
اليازي: ما فيه رقاد
اليازيا: يزوي نرقد احسن والله .. باجر ورانا نشه ..
اليازي: انزين .. يالله
اليازيا: يالله تعالي

يلسن اليازيا واليازي على شباريهن .. اللي ملصقينها في بعض .. كل وحده متربعه ويالسه .. وغمضن عيونهن .. وبدت اليازيا ترمس .. واليازي تكمل .. كل وحده حافظه هي شوه تقول..
كل ليله على هالحاله .. يقولن اللي حفظنه من يوم هن عمارهن 11 سنه .. وما يرقدن الا لو قالوه .. يعني لو وحده فيهن محد الثانيه ما تقدر ترقد .. الا لو تكون موجوده و يقولن هالجمل اللي حافظينها ..

اليازيا:وعد
اليازي: وعد
اليازيا:يالله رقدي
اليازي:افففففف
اليازيا: رقدي لا تتأففين .. خلفان رد وما بيخليج تسهرين
اليازي:برقد وأمري لله ..
اليازيا:هههههههه حلوه هاي بنات كبار نخاف من خلفان
اليازي: هو يخوفنا .. معاملته جافه .. عكس حريز .. شوه نسوي
اليازيا: بس اعرفي ان احترامنا له اكبر من خوفنا
اليازي:اكيد
اليازيا:عيل تصبحين على خير
اليازي:وانتي من اهله ..

بالباجر .. الساعه استوت 1 واليازي واليازيا بعدهن راقدات .. دخلت امهن عليهن ..

ام خلفان :ويدييييييييه للحين راقدات .. اليازيا اليازي ..
اليازيا (بصوت ثقيل): هااااااااا
ام خلفان:نشي نشي بسرعه
اليازيا:شوه تبغين امايه .. فيه رقاد
ام خلفان: بسكن الساعه استوت وحده .. ابوكن واخوانكن الحين بيردون من المسيد وانتن عالفراش
اليازي:امايه خلينا بس شويه
ام خلفان:نشن بسرعه الحين لا شويه ولا شويتين
اليازيا:ههههههه اونه عاشت العيوز والله .. قامت ترمس شرات اخوانا المصريين
ام خلفان :شوه نسوي من كثر ما نشوف مسلسلات مصريه .. ما عندنا شغله
اليازيا: الساعه كم الحين ؟
ام خلفان: وحده وحده .. يالله نشن .. اليازي .. نشي اميه .. بسج
اليازي:ان شاء الله الحين بنش
ام خلفان:الحين بتنشين ومنسدحه بعدج نشي .. والله ما فيه شده
اليازي:ليش خير امايه ؟؟ شوه فيج ؟؟ شوه يعورج ؟
اليازيا:امايه تعبانه ؟؟
ام خلفان :رويلاتي شوي تعورني ...
اليازي:خلاص عيل نوديج المستشفى
ام خلفان: لا لا .. لا مستشفى ولا شي .. شحقه مستشفى ..
اليازيا: لا بنوديج
ام خلفان: ما فيني شي يعورني خلاص .. طبت الحمدلله .. روحه العوار بيسير .. بس انتن نشن
اليازي:اووووجييييي
ام خلفان: شوه هاي اوجي بعد ..
اليازيا:هههههههه يعني اوكيك امايه
ام خلفان :اوكيك بعد سويتيها انتي .. والله انكن .. مب منكن من الاأفلام اللي تطالعنها .. بقوله حريز ما اييب تخرب مخوخكن وتخترب رمستكن
اليازي:ههههههههههه امايه تطور شوه نسوي
ام خلفان:ما نبغيه هالتطور جانه بيخرب بناتنا
اليازيا:تجلبينها محاظره .. خلاص بنش .. سيري تحت ولاحقينج
ام خلفان: انزين انزين .. يالله بسرعه


خلفان وحريز .. وفهيد وامهم يالسين على الطاوله .. بس يتريون بو خلفان ايي ويتغدون ..
اليازي واليازيا .. كانن نازلات من فوق يركظن ..

ام خلفان: انتن خبايل .. بغيتن وحده فيكن تتكسر عالدري
اليازيا:الحمدلله وصلنا .. ابويه بعده ما وصل
فهيد:بلى .. بس سار الحجره والحين بيي ..
اليازي:اشوه ..
اليازيا( من شافت خلفان يلست مؤدبه وتمت تصاصر اليازي): بس خلاص يلسي وانتي ساكته ..
اليازي:ليش؟؟
اليازيا:ما يبغيلها ليش .. بترمسين ارمسي .. بس ما يخصني عقب اذا عصب عليج خلفان .. مب فاكتنج من نكده
اليازي:لا ما فيه .. خلاص بسكت
فهيد:يالله امايه ابغي آكل
ام خلفان:كل انزين .. منوه ميودنك
فهيد:وين ابويه ؟؟ تأخر
حريز:اصبر الحين هو ياي
خلفان: يعني وااااايد يوعان تبغي تاكل بسرعه .. شوه وراك ؟
فهيد: ما ورايه شي ..خلاص بتريا
خلفان:تريا .. احسن
ام خلفان: بلاكم على ولديه .. كل كل حبيبي .. عادي ابوك ما بيزعل لو كلت شوه يعني .. كلوا انزين ..

وتوه بو خلفان واصل ..

بو خلفان :السلام عليكم
الكل: وعليكم السلام
فهيد:زيييييييييين يوم يييييييت .. والله يوعان
بو خلفان:جان كلت ..
فهيد:لا افا .. آكل وانته محد ... ما تنزل (وأشر على رقبته)
اليازي:فهيد .. لو الحين بس عالغدا سكت .. بسوي لك اي شي تبغيه عقب
فهيد:لييييييييش اسكت
اليازي:بس جذه .. يالس حذالي وتثرثر .. تعور الراس
فهيد: عيل عناااااااااااااد ما بسكت
اليازي:لا تسكت انته الخسران
خلفان: بس سكتوا
فهيد:اصلا لازم ما نسكت
خلفان: والله ؟؟
فهيد:هيه والله .. جيه يهود نحن .. التشبه باليهود هذا .. لازم عند الاكل نرمس
خلفان: انزين ما قلنا لك تشبه باليهود ولا ترمس .. ارمس بس في شي مفيد .. مب انته وياها كل ما ييتوا يلستوا تظحكون وتبربرون رحموا لسانكم

فهيد ما قدر يمسك عمره وظحك .. واليازي وياه .. واليازيا عاضه على شفايفها لانها هي المسكينه اللي يالسه بينهن اثنينتهم .. ومجابله خلفان .. وحريز ابتسم لان خلفان طريقته فالكلام تدل على أنه جاد .. وما يدري ان فهيد مب مال سوالف الجد ..

ام خلفان: شوه هالظحك الماصخ بس سكتوا عاد
فهيد:هههههههه يزوي سكتي والله ما اقدر
اليازي:انته اللي اسكت هههههههه انته بديت ..
اليازيا: اليازي بس سكتي عاد
اليازي:خلاص والله بس ظحكني ههههههههه
بو خلفان: فهيد خلاص اسكت .. يالس تاكل انته
فهيد:والله ابويه بطني يعورني
اليازيا:سخيفه انزين
اليازي:انزين سكتيه هو .. لانه يظحك وظحكته تظحكني
حريز:ههههه بس انزين خلونا ناكل عدل ..
خلفان:الحمدلله شبعت ..
بو خلفان: وين ؟؟ ما كلت شي
خلفان:بسني كلت .. وكلت وايد بعد ..

ونش خلفان .. وقفطت اليازي اكيد زعل من طريقتهم .. واليازيا يالسه تعطيها نظرات كانها تقول اصبري ودواج عندي ... وفهيد اللي اصلا عمره ما حس هذا زعل والا شي وعادي عنده خلفان دومه جذه .. كمل ظحكه وغداه ..

منتديـآإت جوهرة الكون
www.z55z.com
الجزء الثاني
حارب: نااااعمه يالله بسيييير
حامد:وين بتوديها
حارب: تبغي تسير اونها بيت عمي
حامد: ليش ؟؟ شوه عندها هناك
حارب:بتسير عند البنات .. نااااااااااااااااعمه
حامد: حشرت الدنيا .. اقول ثرك اليوم معزوم
حارب:وين؟
حامد: عرس اخو عمر
حارب:تعال صدق ..
حامد: ييت .. شوه تبغي ؟
حارب: مب متفيج اسير
حامد:مب على كيفك .. لان الوالد بيسير و نحن لازم نسير
حارب: انزين وبيت عمي ؟
حامد:اكيد بيسيرون ..
حارب: حريز ما قال لي
حامد: يمكن نسى .. يمكن انشغل
حارب: الحين بودي ناعمه وبشوف اذا حريز هناك بسأله ..

في بيت بو خلفان .. فالحوش ..
اليازي تحاول تراضي اليازيا من جهه وتفكر كيف تعتذر حق خلفان من جهه ثانيه .. لان هالمره اليازيا تخلت عنها وقالت تدبر روحها .. وفهيد يلعب كوره ..

اليازي:الله يخليج بس هالمره
اليازيا:لا هالمره ولا هييج المره .. بروحج سيري مب يايه .. ولا سايره بدالج
اليازي: اخاف بروحي
اليازيا:ليش حبيبتيه تخافين ؟؟ جيه يوم الواحد يعرف ان هالشي بيزعل شخص يسويه ؟؟
اليازي:انزين آسفه قلت لج
اليازيا:انا ما يخصني .. آسفه سيري قوليها حق خلفان
فهيد:والله انج متفيجه
اليازي:اسكت انته كله منك
فهيد:انا شدخلني .. انتي اصلا مكبره السالفه .. خلفان عادي عنده .. وبعدين هو يابها بطريقه خلتنا نظحك
اليازيا:حتى ولو .. هو كان ينصحكم
فهيد:هههههه لا تظحكيني زياده وتذكريني
اليازيا: ما ادري متى بتكبر
فهيد:يوم انتي بتكبرين
اليازي:الحين شوه قلتي ؟؟
اليازيا:آسفه مب يايه ..
اليازي: آخر كلام عندج
اليازيا:هيه آخر كلام عندي
اليازي: انزين بسير روحي
فهيد (سار ومسك اليازي من ايدها):لا الله يخليج .. لا تسيرين (وودرها) سيري يعني شوه من الصبح يالسه تتحرطم

فصخت نعالها وفرته على فهيد .. بس شرد .. وسارت داخل .. وهي تمشي تفكر شوه بتقول الحين حق خلفان .. اول مره اليازيا ما تيي وياها .. كل مره تشجعها هالمره قالت انها ما يخصها ..

وهي ماشيه وصعدت الدري .. وتتحرطم على فهيد .. شافت خلفان يالس فالصاله اللي فوق .. يوم شافته ردت

خلفان: اليازيا
اليازي( وهي زايغه): نعم
خلفان:تعالي
اليازي:شوه ؟؟
خلفان:تعالي انزين
اليازي: شوه تبغي ؟؟
خلفان: اليازيا اقولج تعالي
اليازي:انا مب اليازيا .. انا اليازي
خلفان:انزين اليازي تعالي

وسارت .. وهي ما تعرف شوه تقوله .. شوه تسوي ..

اليازي:نعم ؟؟
خلفان:شوه بغيتي ؟؟
اليازي:ما شي .. بس آسفه مساعه يعني عالغدا
خلفان( قطع عليها ): لا ما عليه .. عادي
اليازي:يعني مب زعلان
خلفان:ليش ازعل ؟؟ قالوا لج فهيد ؟؟
اليازي (ابتسمت): خلاص عيل بسير

سارت اليازي وهي مستانسه اول مره فحياتها تعتذر حق خلفان بروحها من دون مساعدة اليازيا .. مع انها كانت ترتجف .. بس يالله زين يوم رضى ..

اليازيا:ههههه حارب
حارب:شوه ؟؟
اليازيا:شكلك حلو وانته تلعب كوره
حارب:لاااااااا .. حلفي .. قولي والله ؟؟
اليازيا: هههه سير زين (وصدت صوب ناعمه) .. اخوج سخيف كل شي عنده حلف
ناعمه:وين اليازي عيل ؟؟
اليازيا: سارت تعتذر الحين بترد
ناعمه:تعتذر؟؟!!
فهيد: هيه تعتذر حق صاحب السمو الشيخ خلفان .. والله حاله .. متفيجه بالقو
ناعمه (انقلبت حمرا اول ما طروا خلفان): هيه
اليازيا:ط ويها .. ههههههه صدق انج .. والله متفيجه انتي الثانيه ..
ناعمه:بلاج .. بلاه ويهي ؟؟
حارب: استوى شرات الطماط .. عاد خلفان حرام عليه هالويه الحلو
اليازيا:شوه قصدك
حارب:يعني اختيه الحين تنقلب طماط وويها يخترب وتستحي عسب هذا اللي يسمونه خلفان
اليازيا: ايييييييييه شوه بعد هذا اللي يسمونه .. احترم نفسك هاااا .. لأزقره الحين
حارب( سوا عمره يخاف وايده ترجف): امايه خفت .. لا الله يخليج .. زقريييييييه بدفنه هني
فهيد:هههههههههه والله قويه قويه قويه
ناعمه:حارب .. اسكت انزين
حارب:بعد ما ترضى عليه
اليازيا:هيه لازم .. مب يعني شوه يقولون .. هيه مب ولد عمها وخاطبنها بس جب انته تغار الحين
حارب:من منوووووووه؟؟ من هذا خلفان .. لا تخليني افضحكن الحين امس يوم شفتوه شوه استوى بكن
اليازيا:هههههههههه لا نحن امس من كثر ما نحترمه يعني سوينا هالحركه
حارب:هيه ادري هيه
فهيد:حارب يالله شوت
حارب:انته بعد صدقت عمرك لعبت وياك
فهيد:شووووووووت انزين
حارب:بسير انا ..
فهيد:بس شويه
حارب: والله بسير فهيد ما شي وقت ..
فهيد:وين بتسير؟؟
حارب:بسير ازهب حق العرس
فهيد:ذكرتنيييييييييي .. شرده بسير عند سالم احسن لي
حارب:منوه سالم
فهيد:ولد خليفه .. ساااااااااالم .. سااااااااالم .. بلاك انته
حارب:هيه سلوم .. ليش انزين ؟؟
اليازيا: اذا سرت بخبر ابويه
فهيد:اففففف يالرزه انتي شدخلج
اليازيا:ما تسير .. تبغي تشرد وما تسير العرس وياهم صح
فهيد:ما احب اسير اعراس .. وبعدين عرس مب عرسنا ما احبه .. يوم بيستوي عرس خلفان بحضر
حارب: بس بس .. ابويه قطعتوا اختيه .. ما تسوى عليها هالزياره .. الدم بينفجر من ويها

ناعمه:سخيف انته انزين .. اسكت اسكت .. اليازيا نسير داخل
اليازيا:ههههههه يالله نسير .. بسير اشوف اليازي بعد وين سارت ..
فهيد:جان ما يكون خلفان كسر لها عظامها
اليازيا:والله يخسي .. اقصد .. ما يقدر
حارب:بخبره
اليازيا: شوف لا اتم تهدد .. ثرني بخبر عليك حريز
حارب: هاي اليوم طايحه تهديدات فيه ويا اخوانها .. من زينهم .. انفخ على حريز يطير هناك ..
اليازيا: وانته اليوم وايد مستهزئ في اخواني
حارب:يالله يالله زييييييين .. سيري .. وبخبر خلفان تقولين له تخسي
اليازيا: لا بس .. ما يقدر قلت لك .. جب جب خلاص .. اففففففف نشفت لي ريجي .. اسكت

وتم حارب يظحك على حركة اليازيا .. وهي واخته ناعمه سايرات داخل .. وعقبها وصل فهيد بيت سالم خليفه .. و رد بيتهم يزهب حق العرس ..

قريب المغرب ..
اليازي واليازيا يحاولن يقنعن امهن .. انهن ناويات يسيرن هالعرس بالذات .. وهي مستغربه لانهن ما يحبن الأعراس شطاري عليهن .. ومثل ما لعبن عليها العناد من قبل .. يا دورها هالمره هي تلعب عليهن ..

اليازي: والله امايه حراااااااااااااااااااااااام
ام خلفان: لا مب حرام .. تمن هني ما بيصيبكن شي
اليازي: شمعنى هذي ناعمه بتودونها وخليتيها ترد بيتهم تزهب .. ودونا نحن بعد ..
ام خلفان:ناعمه حرمه
اليازيا: انزين ونحن ؟؟
ام خلفان: يوم بتوافقن على اي واحد زين ايي يخطب وحده منكن .. عقب بتغدن حرمات .. وسيرن الأعراس
اليازي:جانها السالفه جذه .. علي ما اسير اعراس
اليازيا:ولا انا .. جاني ما بسير اعراس الا لو ازوج ما بسير
ام خلفان :انزين عيل يلسن هني
اليازيا (وهي تغايظ امها) : بنيلس والله .. بنسولف وبنظحك .. عادييييي
ام خلفان:استغفر الله اشهد انكن تخبلتن
اليازي:لا بعدنا على وشك .. لو وافقنا على واحد بنتخبل
ام خلفان :بس عاد بس .. خلني اسير ابرك لي
اليازيا:انزين الحين الساعه 8 وين بتسيرين ؟؟ بعده العرس
ام خلفان : لا من الحين بسير .. فدربي بمر على خالتج صالحه
اليازي: انزين يالله سيري الله وياج
ام خلفان :عنبووووووووه مب لسان عليج .. وايد طول .. تطرديني يعني
اليازي:لا ما قلت شي .. بس سيري خلاص ..
ام خلفان: ازعلي من اليوم لين باجر .. ولين السنه اليايه ما وافقتي ما شي اعراس
اليازيا + اليازي: ما نبغيييييييييييييييييي ما نبغييييييييييييي انزييييييين

ظهرت ام خلفان وهي ميوده راسها .. بناتها بيخبلنها .. الله يعينها عليهن .. ويسهل لها اقناعهن ..
تمت اليازي تدور في الصاله سايره راده .. واليازيا تشوفها ..

اليازيا: بس يلسي
اليازي: شرايج نسير بيت خالتيه نعيمه ..
اليازيا: يلسي مكانج .. وين الحين .. الساعه 8 ..
اليازي: بنسير عند البنات
اليازيا:لا مب سايره ما فيه اخاف بنات خالتيه صالحه هناك .. وانا ما استسيغهن .. بظارب وياهن
اليازي: انا بعد اقول ما نسير .. خلاص غيرت رايي
اليازيا: ههههههههه احسن .. سمعتي طاري بنات خالتيه صالحه غيرتي
اليازي: انزين عندي فكره
اليازيا: شووووووه؟؟
اليازي: قومي بدلي وعقب بنسير نسوي لنا عشا ..
اليازيا:شوووووووووووه؟؟ نعم نعم ؟؟ نحن نسوي عشا ؟
اليازي: هيه شفيها .. اول مره ادري .. بس اليوم نحن بنسوي ما بنخلي جين تسوي
اليازيا:على شوه ناويه ؟ بتدمرين الدنيا
اليازي:قومي انزين بنجرب ..
اليازيا: امممممم
اليازي:قوميييييييي
اليازيا: ههه انزين
اليازي: ههههههه يالله

فهيد:يالله سلوم حط شريط غيره
سالم: انته مب جنه هلك ساروا العرس
فهيد:وانته مب جنه بعد هلك ساروا
سالم:ههههههانا مستأذن احسن من غيري شارد
فهيد:عداااااااااااااال اونه مستأذن .. قوم بو 13 سنه بعد رافع خشمه يبغي يسير اعراس
سالم:جب جب
فهيد:انزين اقولك حط شي والله مليت
سالم:جان سرت العرس
فهيد:ياخي ذليتني ويا سالفة العرس .. ما احب ما احب اسير اعراس
سالم:انزين انزين .. اي شريط تبغي ؟؟
فهيد:اي شي المهم ألعب وما أمل
سالم:شرايك بتصل في قوم حمود نسير نلعب كوره
فهيد:هيه والله .. هم فالبيت ؟؟
سالم:اكيد .. وين بيسيرون هالحزه
فهيد:انته فلللللللله .. اتصل بسرعه اتصل ..


اليازي: ايييييييه انتي جينو
جين: go out
اليازي:مب اصغر عيالج انا تقولين لي go out وليكون بيت ابوج وانا ما ادري
اليازيا:سكتي عن الحرمه شتبغين فيها ..
اليازي:خل تولي .. ما ابغي آكل من ايدها اليوم
جين :Iwill call mama know and tell for her
اليازي:انزين سيري اتصلي هذو التلفون .. اقولج بعد رقمها
اليازيا:استغفر الله .. اليازي عاد بس
اليازي:طلعيها برع برع
اليازيا:خلاص غيرت رايي ما ابغي آكل من ايدج .. جين سوي لي العشا
جين:OK but first tack aljazi with you
اليازي:مالت عليج .. بطلع بطلع .. يالنحسه .. (وفي ايدها كاست ماي )

وظهرت اليازيا ووراها اليازي .. واليازي معصبه ومتحلفه لجين اللي ما خلتها تطبخ وتسوي العشا بروحها هالمره ..

اليازيا: يالسين ويطرشون هالمسجات السخيفه ..
اليازي:هيه كله مال اذا كنت منزعج ومضايج ارسل على الرقم 2251 وما ادري شوه .. يقصون على خلق الله ..
اليازيا: وفي ناس يطرشون ها
اليازي:هذيل اغبيا ... والثانيين فاضين ما عندهم شغله ..
اليازيا: بخلي حريز يودينا نشتري لنا هذا اللي يعلقونه فيه
اليازي:ليش هذا بلاه ؟؟ (وهي مندمجه فالمبايل)
اليازيا: ما بلاه شي بس ابغي واحد يديد
اليازي:انزين قولي له ..
اليازيا: تعالي شوي ويايه .. بسير اييب المجلات من الميلس
اليازي:منوه مودنهن هناك
اليازيا: فهيد.. شلهن عني ووداهن
اليازي : انزين ..

ورفعت كاست الماي بغت تشرب منها .. بس الماي بالغلط انصب عليها .. والماي كان باااااااااااارد

اليازي: يزووووووووووي
اليازيا:هههههههههههه والله هبله ..
اليازي:الحقيني بااااااارد
اليازيا: اول مره تشربين ماي
اليازي:ما ادري كيف انصب عليه
اليازيأ:مب منج من حماسج
اليازي:حوبات جينو الله ياخذها
اليازيا: ههههههه شكلج يظحك
اليازي: مب متفيجه ابدل بجامتيه
اليازيا: وليش تبدلينها .. مب من كثر الماي .. الحين بينشف
اليازي:افففف
اليازيا:لا تتأففين .. محد قالج تصبيه على عمرج ههههه

دخلن الميلس .. اليازيا كانت ناقعه من الظحك وبطلت شعرها تلفه .. اما اليازي اللي بعدها ما دخلت كانت ماسكه مقبض الباب ومسنده عليه ..

اليازيا : غبيييييييه ههههههه
اليازي:بس انزين ما يظحك هالكثر
اليازيا:لا والله سيري وقفي جدام المنظره اللي فالصاله

وبتشوفين شكلج
اليازي: بأدبها بخلي امايه تسفرها
اليازيا:اييييييه مب تسوينها .. ما فيني تيينا وحده وغده والا خايسه ..
اليازي:عاد من زينها هاي .. ثرها خايسه
اليازيا:هههههه بس احسن من غيرها
اليازي:هيه والله ..
اليازيا:هههههههههه
اليازي:بس عاد والله ما يسوى عليج هالظحك .. قومي قومي دوري مجلاتج وينهن
اليازيا:انزين انزين

ونشت اليازيا بدور المجلات .. بس وقفت مصدومه .. وصرخت ..

قبل ما اليازيا تطلع .. اليازي ركظت عالفله قبلها .. واليازيا عقب لحقتها ..

ناصر يالس وفاتح ثمه .. اللي استوى جدامه حلم والا حقيقه ..
شوه السالفه ؟؟ منوه هاي اللي ظهرت جدامي ؟؟ معقوله خوات خلفان ؟؟ استغفر الله .. انزين وانا يالس من الصبح اسمع رمستهن .. ليش ما نبهتهن اني يالس ؟؟ ليش ؟؟ حرام والله حرام .. جانه خلفان عرف .. رحت فيها .. بيدفني هني في هالميلس عسب اكون عبره لغيري .. بس استاهل .. ليش ما رمست .. ما ابغي اموت على ايد خلفان .. ايده ثقيله .. ط في شوه افكر .. الله يعين .. اقوم اشرد الحين قبل ما يرد .. اكيد بيشوف خواته .. وبيعرف منهن السالفه .. لا ما اعتقد يخبرنه .. واذا شردت بخرب على عمريه .. ايلس واللي يصير يصير ..

وانتبه ان في مبايل محطوط عالطاوله ويرن ..

اكيد مبايل وحده فيهن .. الحمد لله شفت وحده بس لو الهنتين .. بيقص راسي نصين بعد .. وين ؟؟ خلفان الحين بيوصل .. وين اوديه هذا ؟؟

وسار شاف كان مكتوب اسم " Hryz "

لاااااااااااااااااا .. شوه هالوهقه .. حريز اخوه بعد متصل .. والله لو يدري ان هالمبايل في ايدي هو الثاني ايي و يكمل عليه .. بس الحين شسوي ؟؟

وسمع خطوات يايه جهة الميلس .. غلق المبايل و دس المبايل تحت الكرسي .. عسب ما يرن وما يسمعون صوته ..

ويلس مكانه .. ويدعي ربه ان خلفان ما عرف شي .. وانه ما ينتبه لرنة التيلفون ..

فالحجره .. اليازي طايحه سب فالريال هي واختها .. بس طبعا اليازيا بجانب انها معصبه وفايره كانت زايغه في نفس الوقت ..

اليازيا:قسما بالله انه حقيييييييير حقيييييييييير
اليازي:الله ياخذه ان شاء الله
اليازيا: لا بعد يعني مبقق عيونه علينا ..
اليازي: هيه والله .. مالت علييييييييه قهر بي ..
اليازيا:انتي اسكتي ما شافج انا اللي رحت فيها
اليازي:لا والله منوه قال
اليازيا:انتي كنتي ورا الباب انا يلست وسولفت
اليازي: انزين شافج يعني شافني .. شاف النقتيف مالي .. لااااااا ما ابغيييي
اليازيا:سخيفه انزين .. والله ان خلفان اليوم يقصبنا
اليازي:لا تقولين .. اميييييييه
اليازيا:والله ميته من الزياغ
اليازي:انا اكثر
اليازيا:شوه نسوي؟؟
اليازي:ما ادري .. ما ادرييييييي
اليازيا ( وتوها تنتبه) : ييبي مبايلي .. حريزز مساعه اتصل .. اقوله اييي البيت الحين احسن
اليازي:ليش ان شاء الله ؟؟ ليكون تبغين تقولي له
اليازيا:مينونه انتي .. اقول له .. عسب هو الثاني بعد لا واحد ولا اثنين .. بس هو مساعه كان متصل .. وانا الحين برد عليه يكون الجو آمن شويه .. الصراحه ميته من الزياغ انا وانتي وخلفان بس فالبيت ؟؟!! لا مستحيل
اليازي:انزين وينه ؟؟
اليازيا: مب هاللي في ايدج
اليازي:لا هذا مبايلي
اليازيا : عيل وين حطيته ؟؟
اليازي: اصلاا هو كان في ايدج يوم سرنا تحت
اليازيا + اليازي ( وقفن واطالعن في ويوه بعض) : ليكوووووووووووووووووووون
اليازي:لاااااااااا مب وقته ..

غبيه ..
اليازيا:والله ما ادري .. يا ربيييييييي خلاص جكنا خلفان جكنا .. ورحنا فييهاااااااااا
اليازي: لا لا تقولين .. يعني هذا ما قدرتي تنسينه الا اليوم
اليازيا:شدراني ..

ونزلن تحت هن الثنتين .. يراقبن الجو ويقيسن درجة الحراره فالبيت .. واليازي الثانيه نست مبايلها فالحجره ..

خلفان ظهر من الميلس بيسير اييب شي من حجرته وبيرد ..

ناصر .. حريز الحين مستغرب وينها اخته ما ترد عليه .. من رمسة خلفان حريز يهتم اكثر باللي فالبيت .. برد افتحه بس بدسه بعد .. ما فيه تدعي عليه البنيه والا تتحسبني شليت مبايلها حقي .. هو حلو مبايلها اكيد هديه نجاحها هههههههه كل البنات تخبلن على هالمبايل يوم نزل .. بس طبعا مب احلى من مبايلي .. انا متفيج وايد عندي وقت الحين ارمس عن هالسخافات خلفان بيي .. اسير برع احسن ..

فالسياره ..
حريز زايغ على خواته يعرف انهن فالبيت .. بس يتصل على مبايل اليازيا وفالبدايه ما ردت والحين مغلق .. ويتصل حق الثانيه ما ترد عليه بعد .. شالسالفه ؟؟!!

حارب:بسك هالكثر تتصل حرقت مبايلاتهن
حريز: ما يردن عليه انزين
حارب:يمكن مشغولات في شي
حريز: انزين قلنا مشغولات بس مب جذه .. ولا وحده ترد عليه .. لا والا يزوي غلقت مبايلها بعد..
حارب:لاااااااااا .. احلف ؟؟ قول والله ؟؟ تصدق عرفت منوه تقصد
حريز:اقصد اليازيا ..
حارب:انزين واليازي ؟؟
حريز:اقولك ما يردن ولا وحده فيييييييييهن ترد
حارب: والحين يعني؟؟
حريز:رد البيت
حارب:حررييييييييييز
حريز:رد البيت .. والله ما اقدر اسير مكان وهالهنتين فالبيت رواحن
حارب:مب صغار هن انزين
حريز:مب مسألة صغار .. حارب يمكن صابهن شي ..
حارب:شوه بيصيب هالسويحرات الحين
حريز: حااااااارب روحي معصب .. لا تخليني الحين
حارب:خلاص خلاص ..
حريز:ودني البيت ولو شفتهن هناك يالسات ولا يسون شي والله ليشوفن شيي ما شافنه
حارب:لا مدام السالفه فيها ان حرييييييييييز حرييييييييز بيهزب خواته .. عيل حلو الفلم نسير
حريز:يالله ودني البيت ..

فالبيت ..
اليازيا تدور مبايلها فالميلس عقب ما سار اخوها وربيعه .. واليازي وياها ..

اليازيا:وين ذلفه
اليازي:اتخيل شله وياه ههههههه عيبه مبايلج
اليازيا: مب وقت سخافات .. اففففففففف الله ياخذ العدو
اليازي: هيه صح ليش نحن اغبيا .. اتصلي عليه رنه وبتلقينه عقب
اليازيا:هيه والله .. صدق غباء
اليازي:اليوم ما ادري شوه ظارب مخنا .. كل وحده اغبى من الثانيه ههههه
اليازيا: اتصلي انزين من مبايلج
اليازي: اوه نسيت مبايلي فوق
اليازيا:قومي زين ..
اليازي:والله نسيته .. هاذوه التيلفون جدامج اتصلي منه انزين
اليازيا:اكيد بتصل من التيلفون عيل بترياج لين تسيرين تتييبينه

واتصلت اليازيا .. ورن االمبايل وحصلته .. وفي نفس الوقت دخل عليهن فهيد ..

فهيد :شوه تسون ؟؟
اليازي: بسم الله .. انته ابد ما تعرف تدخل بهدوء ..
فهيد:انا اقول لكن شوه تسون
اليازيا: ما يخصك
فهيد:لا هالمره ما اعرف .. يمكن تزهبن مقلب حق معرس ياي ؟؟
اليازي:فال الله ولا فالك ..
فهيد :اوه صح نسيت .. ان نص الرياييل يو وكلوا من مقالبكن الباقي ما يبغون يجربون بعد
اليازيا:احسن فكه

ويلسوا فالميلس .. يسولفون .. فهيد اللي طايح عالأرض ويشوف التلفزيون .. واليازي اللي منسدحه عالكرسي وتشوف وياه .. اما اليازيا صح يالسه وياهم .. بس كانت تفكر شوه تسوي بالمشكله اللي نزلت على راسها اليوم ..

حريز وحارب توهم واصلين .. وحريز صدق معصب .. حارب صح فالبدايه فرح قال اول مره حريز بيعصب على خواته وما بيفوت اللقطه هاي .. بس يوم شاف ان حريز هالمره ناوي عالشر .. قال علّي ما اشوف هاللقطه طول حياتي .. بس الحين اهدي حريز ما فينا يرقد فالشارع الليله ..

حارب: حريز هد انزين
حريز:حارب اسكت اسكت ثره والله واصل حدي
حارب:انزين السالفه ما تسوى ..
حريز: بعد اكثر من جذه .. اتصل من الصبح ولا وحده ترد عليه ..
حارب:انزين ويعني .. قلت لك يمكن انشغلن ..
حريز: انشغلن والاا غير .. خل يحسن ان في ناس برع طالعين ويحاتونهن بروحن فالبيت
حارب: بس انزين
حريز:ممكن تسكت
حارب:انزين ما يخصني .. والله شكلك اليوم ناوي ترقد فالشارع
حريز:انزين بنشوف منوه بيرقد فالشارع
حارب:ليت الميلس مفتوح
حريز ( وهو يطالع النعلان اللي برع): شفت سخافتهن .. عرفت ليش انا معصب الحين ..

حارب تم برع خاف عن بنات عمه ما لابسات شيل ووالا شي .. ما فيه عالحشره .. دخل حريز .. واليازيا اللي كانت سرحانه نقزت .. اما فهيد رد وانسدح على بطنه يشوف حريز .. واليازي .. يلست عدل ..

فهيد :هلا والللللللللله هلا .. شخبار العرس ؟؟
حريز:مممكن تنطب انته .. انتن الهنتين وين كنتن؟؟
اليازي: ولا مكان .. كنا فالبيت ..
حريز:ادري ان كنتن فالبيت ..
اليازيا( وهي شاكه ان حريز درى بالسالفه ) : دامك تدري ليش تسأل
حريز: يعني ما تحسن ان في بشر ظاهرين .. وبيتصلون اكيد يطمنون .. كل وحده منسدحه لي من صوب .. ولا جنه شي مستوي
اليازيا: هيه .. ادري انك اتصلت
حريز: ويوم تدرين ليش ما رديتي عليه ؟
اليازيا: كنت برد بس انته بندت
حريز: انزين بندت .. ردي اتصلي .. قولي هالحيوان شوه يبغي ؟؟ شوه مستوي به .. يمكن صابه شي متصل عشرين مره
اليازي:حريز لا تقول جذه عن عمرك
حريز: اسكتييييي انتي
اليازيا: ليش تسكت انزين .. ما سوينا شي .. قلت لك شفت رقمك وعقب نسيت المبايل هني فالميلس وسرنا الصاله ..
حريز:وانتي شوه حجتج اليازي خانوم
اليازي: ارمس الحين ؟؟؟ يا دوري
حريز: تطنزين ؟؟
اليازي:لا والله ما اطنز .. انا بعد نسيت مبايلي فوق .. فالحجره
حريز:انزين ما عليه .. يصير خير
اليازيا: بلاك داش علينا جنك داخل حرب .. والله ما يسوى علينا هالصريخ كله .. وعسب شوه عسب مبايل ..
حريز: يوم بتعرفين بالخوف اللي صابني طول الدرب وانا راد .. ما كنت بتقولين جذه ..

وظهر ..

فهيد :ههاهاهاهاااااااااااااااااا ههههههههههههههه هيهيهيهي
اليازي: تعرف انك سخيف وما في شي يظحك
فهيد: هيه ادري اني سخيف .. بس كان كل شي يظحك هههههه
اليازي: صدق انسان فاضي
فهيد:تعالي ترسيني ههههههه
اليازي: روح زين ..
فهيد:بلاكن معصبات عادي والله .. بالعكس اللقطه كان يبغي لها تصوير لانها كانت حلوه ونادره اول مره حريز يعصب عليكن هههههههههه


برع .. عند سيارة حارب ..

حارب:حرام عليك والله .. سمعت صوت وحده فيهن .. جيه صوتها يرتجف ماتت من الزياغ
حريز:خلهن انزين .. تعودن عالدلع .. واخاف يدلعن في هالأشيا بعد وويتغلن علينا ما يردن عالمبايلات ..
حارب:ههههه حرام عليك ..
حريز: لو شفت فهيد كيف منسدح ويطالعني .. انا معصب بس هو شكله يظحك ..ههههه
حارب:ههههه فهيد اخوك عبيط .. بس فاتتني اللقطه صح
حريز: اسأل فهيد هو بيخبرك
حارب:عاد فهيد بيعطيني تقرير كامل ..
حريز: عيل خلاص اساله .. يوم بتشوفه
حارب: منوه هذا اللي متصل هالحزه .. ( وظهر مبايله ) غريبه ..
حريز:منوه ؟
حارب: راشد ولد خاليه ..
حريز: هل العين؟؟
حارب:هيه
حريز:انزين رد عليه خيست الريال عالخط ..
حارب:ألو .. بسم الله .. انتي من وين ظهرتي

كانت اللي متصله نوف اخته الصغييره ..

حارب: الحين حروبي هااااااااا
نوف: الله يخليك حارب .. تعال الحين
حارب: ما يخصني .. تسيرين عني العين والحين تقولين تعال وتعال
نوف: والله آسفه .. انزين تدري انته انا احب اسير هناك
حارب:خلاص دامج تحبين يلسي عندهم كملي ..
نوف:لا خلاص برد .. ورايه مدرسه
حارب: لااااااااا .. حلفي ؟؟ قولي والله ؟؟
نوف:هيه .. بحلف .. والله ..
حارب:توج تذكرين ان وراج دوام يالحلوه وانج من اسبوع غايبه
نوف:اففففف حروبي الحين بتيي والا كيف يعني
حارب: تهددين
نوف: بزعل لو ما ييت
حارب: وينج انتي الحين .. مب متفيج اصك للعين الحين ..
نوف:ما قلت لك سير العين .. انا فالبيت
حارب: فالبيت ؟؟ منوه يابج ؟
نوف: رشود
حارب: استحي عويهج .. رشود اصغر عيالج ..
نوف: إف يا ربييييي .. راشد راشد .. خلاص
حارب: عطيني اياه ابغي ارمسه

راشد: هلا .. السلام عليكم
حارب: مرحبا .. هلا والله بولد خالي
راشد :توك تذكر انته ان عندك ولد خال
حارب:ههههههه اسمح لنا يا ريال .. والله مشغولين
راشد: هههه مسموح .. كل حد الحين عنده اشغاله وزياده .. يالله يخلصهن بروحه
حارب: هيه والله .. مشكور تعبناك..
راشد: على ؟؟
حارب:يايب هالنوف الله ياخذ عدوها من العين لين دبي ..
راشد:هههه لا والله عادي ..
حارب:عبلنا عليكم ..
راشد:ههههه بالعكس وناسه وياها ..
حارب: لااااااا .. احلف ؟؟ قول والله ؟؟ عيل من باجر نسير المحكمه نتنازل عنها لكم
راشد:ههههههه حرام عليك والله انها فنانه
حارب:نيوزك اياها عيل
راشد: جيه بربيها انا ؟؟ ههههههه .. انزين وينك انته ؟
حارب:ياي الحين .. مسافة الطريج .. مب ترد العين
راشد:لا والله ما اقدر .. اقولك بسير عندي اشغالي الخاصه
حارب:اشغالي الخاصه اونه .. اقولك انثبر في بيتنا انا الحين ياي
راشد:ههههه انزين .. بنثبر .. بس بسرعه لان اختك بهدلتني
حارب:سطرها كم من طراق عويها وبتيلس لك
راشد:ما تهون عليه
حارب: عيل تحمل ههههههه
راشد:بنتحمل .. شوه نسوي .. بنفتقدها بعد ردت دبي .. المهم تعال بسرعه
حارب:ان شاء الله .. يالله مع السلامه
راشد:فمان الله

حارب: والله وردت الحشره
حريز : حليلها
حارب: اسكت خاطريه اسير اقطعها الحين
حريز :ليييييييييييش .. حرام عليك
حارب:اقصد .. اقطعها من البوس بلاك ههههههه
حريز: هههه اتحسبت بعد
حارب: والله قاهرة بي .. سايره عني العين اسبوووووووووووع الظالمه
حريز: يالله هذي ردت .. الحين عاد ما بتخليك تظهر من البيت
حارب:هيه والله
حريز: وبتطيح فيه .. لون كندورتك حلوه .. وسفرتك حلوه .. وانته كاشخ ووين بتسير
حارب:هههههههه تقهر يوم تسأل جذه صح .. جنها حرمة واحد فينا
حريز:بعد نوف وسوالفها
حارب: بقهرها اليوم .. وبسوي روحي زعلان منها
حريز: لا والله .. صدق مجرم .. تعرف انها ما بترقد لين تراضيك اونها
حارب:خل تتادب تستاهل .. محد يقول لها ..
منتديـآإت جوهرة الكون
www.z55z.com

ناصر كان توه ناش .. شل فودته ودخل الحمام يسبح ..

شذى كانت يالسه فالصاله ويا ابوها وامها ..

شذى:ابويه عقب يوم بشتغل قولي هالكلام انزين
بو ناصر:ما ادري .. اللي يقول بتستوين دكتوره
شذى: ههههه
ام ناصر: شعنه تظحكين ؟؟
شذى:والله تفكيركم مال اول
ام ناصر: كفايه انتي مال الحين
شذى:هيه والله مال الحين .. لان هالدكتوره وطب وقلب وما ادري شوه .. هذا كله مال اول ..
بو ناصر: يعني الحين اللي يدرسون طب مال اول
شذى: لا انا ما قلت جذه ..
ام ناصر:توج قلتي
شذى: امايه خليني انزين اكمل
بو ناصر:كملي ..
شذى: انا اقصد ان يوم الاهل مال اول كل ما شافوا واحد من عيالهم تخرج من الثانويه .. استلموه يالله ادرس طب .. يبغون يخلون كل عيالهم اطبا ههههههه
ام ناصر:بسج ظحك هالكثر .. وسيري المطبخ شوفي هاي شوه تسوي
شذى:ان شاء الله

حامد كان يالس فالصاله ويرمس ربيعه فالمبايل .. دخلت نوف اللي كانت معصبه .. فرت شنطتها صوب .. وطلعت جوتي المدرسه وفرته .. وفرده وحده يت في حضن حامد .. وما عبرته ولا عبرت نظراته اللي تدل على انه يقولها بتيلسين والا انش لج الحين ؟؟!!
و سارت فوق ..

نوف : ما ابغييييييييييييييييييييييييييي
حامد: اقول علي ببند عنك الحين وبرد اتصل بك ..

بند حامد .. ونش من مكانه بيسير يشوف شوه سالفة اخته اللي معصبه .. وهو توه يصعد الدري الأول .. شافها طالعه من حجرة ناعمه وهي تصيح .. وناعمه ظاهره وراها ..

نوف: ما ابغي انزين ما ابغي
ناعمه:انزين انا ما قلت لج تبغين والا لا .. انتي سألتي وانا جاوبت
نوف: الحين اتصلي فيه خله يرد
ناعمه:شوه فالدوام هو الحينه
نوف ( وهي تصيح) : والله بخبر عليج ابويه
ناعمه: خبري ..
حامد:بلاها هاي
ناعمه: اونه اتصلي في حارب خل يرجع الحين
حامد:شوه تبغين من حارب؟؟

ونوف ما ترد على حامد ومب معبرتنه ..

حامد: نوف .. ارمسج انا
نوف:ابغيه هو .. ابغي ارمسه هو ..
حامد: انزين هو الحين فالدوام
نوف:اتصلوا فيه خل يرجع ..
حامد:سيري زين .. واقولج مره ثانيه يوم بتدخلين البيت .. تسلمين .. وعقب تصعدين حجرتج وتحطين شنطتج وتفصخين جوتيج بأدب وتحطينه فمكانه .. مب تفرفرين
نوف: ما ابغي
حامد ( وهو يصرخ): نوف نشي بسرعه سيري حجرتج

وصاحت نوف زياده .. ونشت سارت حجرتها .. وتمت ناعمه تطالع حامد ..

ناعمه: الحين زين جذه تصيحها زياده؟
حامد:خليها انزين وايد دلوعه .. كل شي تبغي تسوون لها .. مب زين
ناعمه: توها راده من العين .. ما صدقنا ترد
حامد:والله ابويه متفيج اللي رضى يخليها هناك .. وعندها دوام فالمدرسه
ناعمه: هي بغت
حامد: خليها عنج زين .. ياهل قاصه عليكم
ناعمه: روحك قلت ياهل
حامد:ناعمه .. الحين بتجلبينها مشكله عسبت ياهل
ناعمه: لا .. خلاص بسير حجرتيه .. تبغي شي
حامد: لا مشكوره

سارت ناعمه حجرتها ونزل حامد تحت .. يكمل رمسته ويا ربيعه .. ونوف اللي سارت الحجره من بعد صرخة حامد .. ولا ظهرت ..

كان واقف جدام التسريحه مسك المشط وتم يسحي شعره ..
من امس وانا افكر فيها .. ما ياني الرقاد الا يوم أذن الفير .. صليت ورقدت .. شوه سوت بي هالبنت ؟؟ ليش صورتها فبالي مب طايعه تروح ؟؟ للحين اذكر ظحكتها شعرها الطويل اللي قاصتنه ما ادري كيف ؟؟ والله قصه عجيبه .. نصه قصير ونصه طويل !!! ويلستها ريل على ريل .. وجسمها كانت طويله ما شاء الله .. وصوتها آآآآآآآآه على صوتها .. بلبل يغرد .. والله ناعم صدق .. يدل على شفافيتها ونعومتها ورقتها ..
انا بلاني افكر فالبنت ؟؟ ومنوه البنت ؟؟ اخت ربيعي اخت اعز انسان عندي .. لا انا تخبلت .. بلى تخبلت .. مب من حقي افكر فيها .. ابدا مب من حقي .. غلطان في حقها وبعد افكر فيها .. بس لو اقدر أقول لها آسف.. والله جان قلتها .. اففففففففف بعد رديت ارمس عنها .. بنت الناس يا ريال مالك خص فيها .. ترضى حد يشوف اختك بالغلط .. والله لأجتله .. هيه خلني ساكت .. عن ايي خلفان يجتلني الحين ..
بس .. ههههههههههههه .. في شي تذكرته وظحكت .. شكلها يوم شافتني .. وشردت ..
بس بعد الله يسامحني دنيا وآخره .. ما نبهتها .. والله آآآآآآآسف .. آسف

ناصر: آآآآآآآآآآآآآآآآآآآآآآسف

في نفس الوقت دخل شهاب .. تم يدور بعيونه فالحجره .. وناصر يطالعه .. بس ما يدري شوه يبغي ..

ناصر: شوه تبغي ؟؟
شهاب: عندك حد هني ؟؟
ناصر: لا
شهاب:عيل بسم الله ترمس منوه ؟؟ لا تقول حجرتك مسكونه ..
ناصر:اصلا البيت هذا بكبره مسكون
شهاب:اعوذ بالله من رمستك .. قول رمسة عدله
ناصر:هههههههه ليش مب مصدق
شهاب:ايه لا تشككني في بيتنا
ناصر:اخ عليك ريال شكبرك تخاف ..
شهاب:انزين انا ريال .. هم جنون
ناصر:هههههههههه احلف .. احلف انته بس انك تخاف .. شهاب صدق ههههههه
شهاب:اسكت انزين .. اسكت
ناصر:هههههههههه الله يا شذى انج اليوم بتظحكين ظحك على شهاب
شهاب: لو خبرتها
ناصر( وهو يقاطع اخوه) : جب جب .. يعني شوه بتسوي .. استح على ويهك ريال طول وعرض .. يخاف اونه .. انته مسلم ؟؟
شهاب:لا مسيحي
ناصر:ما استبعد
شهاب:هههههههه يوم بعرس بعرس فالكنيسه
ناصر: انته الحين اللي اعوذ بالله من رمستك ..
شهاب:هههه في بريطانيا احلى شي .. عقب تفر العروس الباقه .. واللي تاخذها هي اللي بتعرس عقب .. بخليها تفر الباقه على وحده مزيونه .. عقب انته سر اخطبها .. اونه بيستوي واقع
ناصر: بسم الله عليه .. لا احضر عرسك فالكنيسه اذا كان .. ولا آخذ وحده داخله كنيسه ..
شهاب:اصلا من دون ما تاخذها .. هي بتيي تقولك تعال خذني يالمزيون تعال .. الله يخليك .. صدق انك غرشوب
ناصر:ههههههههه شهابو فكني الحين بسير عند امايه بسلم عليها
شهاب: توك تذكر ان عندك ام .. امس لين نص الليل تترياك
ناصر: فديتها .. والله شسوي رحنا ويا الشباب .. وانا قايل لها لا تترياني .. قااااايل
شهاب:بس تبغي الصراحه امس انته تأخرت وايد ..
ناصر:انزين قم عني بسير اشوفها ..
شهاب: سر سر
ناصر ( وهو برع الحجره ) : سلم على ربعك انزين ( وغمز له )
شهاب:اي ربع ؟؟
ناصر:اللي فالحجره

شهاب من سمع ربع وفالحجره عرف قصد ناصر .. وطلع وراه .. وناصر تم يظحك .. صدق انه جبااااااااااااان . والحين تاكد انه جبان ..

اليازيا واليازي كانن يالسات فالحجره .. كانن زايغات من شوفة خلفان .. يمكن درى بالسالفه بس كان خوف اليازيا اكبر بوايد من خوف اليازي لان ربيع خلفان شافها هي ما شاف اليازي .. (انزين شوه الفرق اصلا؟؟ ) بس هالشي ما طرى على بالها .. كل اللي شاغل بالها الحين ان شافها هي بس وما شاف اختها .. وحريز متلوم يتحسب ان خواته ما نزلن اليوم يتغدن بسبته .. وفهيد ملان اليازي مب موجوده اليوم عسب يلعوزها .. ولا اليازيا عسب يقهر بها ..

اليازيا: ليش ما نزلتي ؟؟
اليازي: انتي ليش ما نزلتي ؟؟
اليازيا: انا اسألج الحين
اليازي:انا بعد اسألج
اليازيا: اليازي لا اطلعيني من طوري
اليازي:انتي مكبره السالفه زياده .. ما استوى شي
اليازيا:كل هذا وما استوى .. اقولج شافني شافني بالبجامه .. وشعري برع .. ووووووو لا تخليني ارمس زياده
اليازي: اليازيا الريال شافج بالغلط
اليازيا: انزين .. وهاللي قاهرني بالغلط .. لازم كنت انتبه ان في حد يالس ..
اليازي:لا تعقين اللوم على عمرج الحين
اليازيا: لانج مب حاسه فيه ولا بتحسين لانج مب انتي اللي استوى بج الموقف
اليازي (وهي فاتحه عينها): اليازيا .. انا ما احس فيج ؟؟
اليازيا:اليازي انتي مب فاهمتني
اليازي:بعد فوق اني ما احس فيج ما افهمج .. انزين .. مشكوره يا اليازيا .. مشكوره يا بنت اميه وابويه.. مشكوره يا اختيه .. مشكوره يا توأمي

وهني يلست اليازي على شبريتها بس لافه ويها الصوب الثاني .. وما اطالعت فويه اختها .. واليازيا كانت لافه الصوب الثاني بعد عن اختها .. وندمانه على اللي قالته .. ندمانه بس ما تقدر تقول حق اليازي آسفه .. لان الموقف للحين في بالها ..

ام خلفان: يافهيد يوز عني
فهيد:الله يخليج امايه .. الله يخليج
ام خلفان:ما شي .. تبغي تسير وتتكسر
فهيد:كلهم بيسيرون انزين
ام خلفان:قلت لك لا
فهيد: انزين بقول حق ابويه .. اذا قال هيه انتي بتوافقين
ام خلفان:ابوك بيقول لا
فهيد:انزين اذا قال هيه
ام خلفان:بعد انا بقول لا
فهيد:اففففففففف
ام خلفان: تتأفف .. هذا و انته ماخذ فالمدرسه
فهيد (قطع على امه): ولا تقل لهما اف ولا تنهرهما
ام خلفان:ماشاء الله زين طلعت حافظنها بعد !!
فهيد:شوه يعني تطنزين عليه
ام خلفان: دامك تعرف الآيه بعد تقول اف
فهيد:انزين انا مب ياهل ما تخليني اسير .. كلهم بيسيرون اقولج انا الوحيد اللي ما بسير .. يوم يسالوني ليش .. اقولهم امايه ما خلتني والله فضيحه يظحكون عليه الشباب
ام خلفان: سويتوا رواحكم شباب بعد
فهيد: انزين خلاص .. خلاص ما بسير ما بسير .. بس يوم بظهر لا تسأليني وين بتسير انزين ..
ام خلفان: يعني تهدد ..
فهيد: والله كيفج .. بسير انا انزين عقب دوريني بعد ..
ام خلفان :فهيد .. رد هني يا فهيد
فهيد :مب راد ..

ظهر فهيد من البيت .. الحين الساعه 3 الظهر .. وين ساير ؟؟ الله اعلم

خلفان وحريز نزلوا من فوق على صوت امهم ..

خلفان:امايه بلاج ؟؟
ام خلفان:سر شوف هالخبل وين سار
خلفان:منوه؟
ام خلفان: فهيييييييييد

ظهر خلفان فالحوش وسار برع ما شاف حد ورجع ...

ام خلفان :ها شفته ؟؟
خلفان:محد
ام خلفان: يا حسرتيه عليييييييييييييه
خلفان: امايه يعني وين بيسير
حريز:تلقينه سار عند سالم
ام خلفان: كله مني .. انا ما رمسته بالزين
خلفان:عاد امايه روحه فهيد لسانه طويل .. واكيد قهر بج ورمستيه بهالطريقه
ام خلفان :حتى ولو .. هذا ياهل
حريز: ما عليج والله الحين بيرجع
خلفان:انزين ليش زعل اصلا
ام خلفان:قال لي انه يبغي يسير ويا الصبيان يلعبون دراجات .. قلت له لا .. ما فيه يا بويه يرد لي مكسر .. والا صايبنه شي
حريز: لا دام السالفه جذه عيل خلاص بيرد الحين
ام خلفان: سر شوفه اميه الله يخليك
خلفان:والله امايه ما شفته برع .. وين اسير بعد ؟

خلفان تم يالس ويا امه .. يتريا اخوه يرجع .. اما حريز صعد فوق .. لا اكيد خواته صابهن شي .. لا تغدن ولا نزلن عقب الغدا بعد ييلسن ويا امهم !! غريبه !!

وصل للباب .. وهو مستعد لأي صرخه من الثنتين .. لانه يدري بيصرخن شويه بس وبيعلن صوتهن وهو لازم يتمالك اعصابه عسب هن يستحن ويعرفن انهن غلطانات .. دق الباب ودخل ..

شاف وحده منهن لافه ويها هالصوب .. والثانيه الصوب الثاني .. شوه السالفه ؟؟!! وولا وحده فيهن تظحك ؟؟!! معجزه هاي ..

حريز: بلاكن ؟؟

ولا وحده ردت .. بس انتبه ان هاي شبرية اليازيا واكيد اليازيا اللي يالسه عليها .. كانت تمسح دموعها .. والثانيه ولا معبره ولافه ويها وتطالع فوق .. وما ادري شوه تخربط ..
حريز قرب من اليازيا ..

حريز:اليازيا .. شوه فيج ؟؟
اليازيا: ما فيني شي

من رمست اليازيا .. واليازي انتبهت وسمعت ان صوتها يدل على انها تصيح ..
لا مستحيل .. زعلتها .. تصيح ؟؟ شوه سويت .. ما كان قصدي .. والله مب قصدي اني اصيحها او احط بخاطرها .. وركظت صوبها ..

اليازي:يزوي آسفه والله آسفه .. الله يخليج لا تصيحين
حريز:شوه فيكن ؟؟ شوه مستوي ؟؟
اليازي:اليازيا .. اقولج آسفه بس لا تصيحين ..
حريز:اليازيا .. شوه سوت بج هاي
اليازي: اليازيا ردي عليه .. والله دخيلج .. ردي بس لا تصيحين ( وهني نزلت دموع اليازي)
حريز:بلاج انتي بعد
اليازيا: اليازي لا تصيحين ما فيني شي
اليازي: والله آسفه .. يعل الله ياخذ روحي جاني كنت السبب في ان دموعج تنزل
اليازيا: الله لا قال ... لا تقولين جذه ..
اليازي: آسفه
اليازيا: ما سويتي شي ..
حريز:خلصتن ؟؟
اليازيا ( ابتسمت): هيه خلصنا .. عندك شي
حريز:الحين يا دوري اعتذر .. آسف عن اللي استوى امس
اليازيا: لا عادي .. نحن كنا غلطانات .. مب جذه اليازي
اليازي: هيه
حريز: عيل ليش ما نزلتن تتغدن
اليازيا( ارتبكت): ما كنا يواعه
حريز: انزين وعقب ليش ما نزلتن تيلسن ويا امايه
اليازي:الحين بننزل ..
حريز:زين تسون سيرن عندها .. يالسه تحاتي فهيد ..
اليازيا:ليش ؟؟ وينه ؟؟
حريز: ما ادريبه وين طلع ويا هالظهر ..
اليازي: ما عليكم الحين بيرد .. يدلع
حريز:ادري به .. يالله نشن نزلن تحت ..

الساعه 5 العصر .. حارب توه كان راجع من الدوام ..

حارب: السلام عليكم
ناعمه:وعليكم السلام والرحمه .. زين يوم ييت ..
حارب: ليش؟؟ ما احيد ان اليوم اول يوم اداوم فيه .. ولا اذكر انكم افتقدتوني وايد قبل هالمره
ناعمه: لا والله حيد الحين ..
حارب:ههههه حلوه هاي حيد الحين
ناعمه: يعني ما تدري ان نوف امس رجعت من العين.. وانها ذلت عمرها عسب بس ترمسها وانته اونك زعلان
حارب: هههههههه ذكرتيني .. والله تعبان وما فيه حيل اظحك بس انتي ما ادري بلاج اليوم تنكتين
ناعمه:ما يظحك
حارب: انا يظحكني
ناعمه:سر انزين شوفها .. من اول ما رجعت من المدرسه وهي في حجرتها قافله الباب على عمرها .. ولا تغدت ولا شي .. ومب طايعه تفج الباب ..
حارب: يا سلام عليكم .. هالياهل تغلبكم .. عصبوا عليها وخلاص .. صدق انكم
ناعمه: ثرها عسب جذه زعلانه زياده .. حامد حرج عليها .. وصيحها .. وسارت حجرتها ولا ظهرت بعد
حارب: عاد ما لقيتي الا حامد .. حامد هذا وحش كاسر .. جيه خليتيه هو يصرخ عليها .. جان انتي صرختي بتسمع رمستج
ناعمه:بقولك انا ما يايبتنها وناستنها .. والله امك هي اللي يايبتنها وانته اللي مدلعنها تتحملونها عاد ما يخصني
حارب: لاااااااااا .. حلفي ؟؟ قولي والله ؟؟ ظهر لج لسان .. ما عليه مب منج من الأنترتيقر اللي خطبج .. وهداج عندنا لين ما تخبلتي وطول لسانج

ناعمه كانت ادور شي حذالها عسب تفر به حارب .. بس جد حارب شرد وراح فوق ..
واول ما صعد فوق سار حجرة نوف .. ما تهون عليه .. ما متغديه للحين وهي راجعه من المدرسه تعبانه ..

دق الباب ..

حارب: نووووووووف بطلي الباب ..

بس محد رد عليه ..

حارب: نوف بطلي .. انا حارب .. حروبج .. بطلييه ..

وبعد محد رد عليه ..
حارب خاف حط اذنه عالباب .. ما يسمع ولااااا شي ..

حارب: نوف بطلي الباب اقولج .. بطليه .. انا حاااااااااااارب

حارب هني ما قدر ... نوف ما تبطل الباب ومنوه اللي يدقه حارب ؟؟!! ناعمه سمعت صريخه يت تركظ من تحت ..

ناعمه: شوه فيك ؟؟
حارب: هاي ما تبطل الباب .. ولا في صوت فحجرتها ..
ناعمه:دقه بالقو ..
حارب:يعني شوه ادقه بالقو .. اكسره ؟؟ والله بكسره جانها ما ردت الحين ..
ناعمه: نوف حبيبتيه فتحي الباب ..
حارب: نووووووووووووف
ناعمه:حارب حشرتني
حارب:قومي عن ويهي .. والله لاحشرج زياده انتي واخوج

وظهر حامد من حجرته ..

حامد: شوه فيكم ؟؟
ناعمه: نوف مب طايعه تبطل الباب ..
حامد: هي من ذيج الصرخه ولا ظهرت ؟؟
ناعمه:هيه
حارب: الله يهديك بس .. ياهل جيه تصرخ عليها
حامد: وايد مكبر راسها علينا انته
حارب:حامد نوف يااااااااااهل تفهم شوه يعني ياهل
ناعمه:مب وقته الحين .. افتحوا الباب ..

في نفس الوقت ظهرت نوف .. وهي ببجامتها .. وكشتها .. كانت راقده .. حارب شافها وظحك .. وحامد يقول فخاطره صدق انها نوف .. ونااعمه حمدت ربها ما صابها شي ..

حارب: يالسخيفه جيه تقفلين الباب
نوف: انته متى ييت
حارب: ههههه توني ياي
نوف: انزين انته السخيف مب انا ..
حارب ( والله ولا تنسى ولا كلمه غلط في حقها ): ههههههه انزين سخيف .. سيري غسلي ويهج وتعالي بنتغدا
حامد: والله لو انا منك جان عطيتها على ثمها
نوف:انته مجرم انزين
حامد:شوه قلتي
نوف:ما قلت شي ..
حارب: اخبره الحين شوه قلتي
نوف ( والدمعه في عينها): والله اذا خبرته ما احبك .. والله ما برمسك والله بخبر عليك ابويه
حارب:هههههه انزين ما بخبره بس لا تصيحين
حامد: انا مستغرب .. كل ما قلتوا لها شي انتوا الاثنين قالت لكم بخبر عليكم ابويه .. اما انا ما تقولي ..
حارب:لانك على قولتها مجرم
نوف:حااااااااارب ( وصاحت)
حارب: ما قلت شي

سارت نوف حجرتها تكمل صياحها .. تموا يظحكون عليها .. وحارب سار يتغسل ويبدل .. عقب بيي يراضيها مره ثانيه بأي شي يقص عليها .. وعقب يغديها وياه ..

ناصر كان يالس فالصاله يرمس فالمبايل.. وشهاب وياه يطالع التلفزيون ..
نزلت شذى من فوق ..

شذى ( تصرخ): شهااااااااااااااب .. شهابووووووووووو

بس ما حست الا وفي شي قوي ظرب على ويها ..
كانت هاي مخده .. بسم الله من وين يت ؟؟ وعلى ويهي بعد ؟؟
شهاب هو اللي فرها بالمخده ..

شذى (وهي مكمله صريخها): مالت عليك انزين
شهاب:اسكتي
شذى:ما بسكت .. تسكتني بكيفك انته
شهاب: شذو مب متفيج لج الحين
شذى:عاد انا اللي متفيجه والله ..
شهاب:شوه بغيتي ؟؟
شذى:ما بقول لك .. خلاص غيرت رايي .. نصووووووووووووووور

ناصر شاف شذى بنظره .. تقول لها اسكتي عني الحين ..
بس شذى ما فهمت شوه يبغي .. ولا شافته انه يرمس فالتيلفون ..

شذى:ناصر حبيبي انته ودني .. هذا شهاب السخيف ما ابغيه يوديني..

خلفان: علينااااااااااا .. جكيناك .. وين انته ؟؟ وتقولي فالبيت ..
ناصر: والله فالبيت
خلفان: فالبيت .. وناصر حبيبي اسمعهم يزقرونك .. روح روح زييييييييين..
ناصر:والله اني فالبيت ..
خلفان:ههههههههه ياخي انفضحت ..
ناصر:خلفان يعني شوه اقص عليك .. ثرها اميه يايبه وحوش شوه نسوي
خلفان:هههههههه حلوه هاي
ناصر:عندنا وحشين جان تبغون تروضونهم خذوهم
خلفان:لا مشكووووووووور .. نحن عندنا 4 اقصد لا حريز حليله مب من ضمنهم عندنا 3 انته الا جان تبغي تروضهم خذهم
ناصر (تذكر اخت خلفان اللي شافها فالميلس .. وابتسم): بس انتوا يمكن وحوشكم مب شرات وحوشنا .. اعتقد انهم ارقى شوي
خلفان:ههههههه خل عنك
ناصر (انتبه لنفسه): انزين عيل خلاص .. ان شاء الله عقب برمسك
خلفان:يالله فمان الله

ناصر بند من خلفان وعلى طول على شذى ..

ناصر:والله انج ما تستحين
شهاب:ايوا ايوا .. زين تسوي فيها عندك اياها
شذى:والله ما كنت اعرف انزين
ناصر:شوه تبغين ؟
شذى:ابغي اسير السوق ..
ناصر:ليش؟
شذى:ابغي اشتري لي كم بدله .. ولا تقولي سيري ويا شهاب ثرني مب سايره .. ولا ويا السايق وامايه لان امايه شلت السايق وسارت وما بترجع الا عقب المغررب وعقب المغرب انا بعد مب سايره وابويه محد عسب يوديني واصلا لو كان هني ما بيوديني
ناصر: اقول شهاب ممكن تقصر على صوت المسجل ثره عور راسي
شهاب:هههههههههههه حلوه حلوه
شذى:يعني شوه تقصد
ناصر:شدراني بج انتي .. الحين انا قلت ما بوديج .. والا قلت شي خذتيني بشراع وميداف
شهاب:جان لبستيه سباحات ثره يخاف من البحر
ناصر:فعيييييييييييييينك .. الحين اقول .. اقول لا تخليني ارمس
شهاب:خلاص لا تقول .. خلاااااااااص
ناصر:هههه زين عيل اسكت عني
شذى:والحين ؟
ناصر:سيري تلبسي وبنسير بس عاد بسرعه لاني برجع عقب المغرب
شذى:انزيييييييييييييين

فالسياره ..
حريز ( يرمس فالمبايل): قلت لكم بيرجع انزين
اليازي:فهيد السخيف
اليازيا:الحين بيجلب الدنياا فوق تحت .. ما وديناه
حريز:انزين يالله مع السلامه ... والله ان فهيد قاص على امايه وهي مصدقتنه
اليازي:هههههههه توك تدري هالخبر من زمان
حريز:توه راجع البيت .. وهي من الصبح حاشرة الدنيا فوق روسنا نحن
اليازيا: دومها جذه بسبة فهيد
حريز:وين تبغن الحين ؟
اليازي: ميركاتو
اليازيا:شوه ميركاتو .. صحارى
اليازي:لا ميركاتو
اليازيا:اقوولك سر صحارى
حريز:اقول .. ثرني دريول ابوكن
اليازي:انزين ندري
حريز:ما علييييييييييه ما علييييييييه
اليازي:ههههههه والله اتغشمر
اليازيا:سر صحارى
حريز:انتن شوه تبغن ؟؟ بالضبط
اليازيا:نبغي نشتري بدل .. وصحارى احسن .. ميركاتو ما فيه شي
حريز:بدل سيرن السيتي
اليازي: لااااااااا كله ولا السيتي عيل ودنا صحارى خلاص ما ابغي لا سيتي ولا ميركاتو
اليازيا:ههههههه احسن ..

شذى: انته الحين ابغي اعرف ليش راز بفيسك
شهاب:لاني راز بفيسي على قولتج
ناصر:بس خلاص وصلنا .. فضيحه انتوا محد يوديكم مكان
شذى:ليش قلت له تعال ليييييييش
شهاب:اخويه ويبغيني ايي وياه عسب نصيد الغزلان ويا بعض
شذى:مالت عليك ..
شهاب:وعليج .. تغارين الحين البنات احلى منج
شذى: فعينك ..
ناصر:شهاب وشذى لو ما يزتوا الحين وتأدبتوا على طول عالبيت
شهاب:سكت اختك
ناصر:انته ياهل
شهاب:هي بعد ياهل ؟
ناصر:افففففففففف لا حول ولا قوة الا بالله

خلفان كان نازل من فوق بسرعه ..
بسير بلحق .. بسرعه بسرعه .. بتأخر بتأخر .. ناوي عليه المدير اليوم .. الله يغربل ابليسك يا نصور شرد منها .. انا الحين بتأخر وبيسوي لي سالفه روحي مب طايق عمريه اليوم بعد ايي ويكملها عليه المدير ..

شوه هالحشره اللي تحت ؟؟!! ليكون فهيد اشترى له قطوه ؟؟!! لا والله هاي نوف اظن .. وناعمه .. لااااااااااااا ناعمه هني ؟؟ مب وقته .. بسير الدوام الحين .. بس صدق متوله عليها خاطريه ايلس وياها .. اييني شور ايلس 5 دقايق وعقب اسير .. والدوام ؟؟!! لاحق عليه .. شوه يعني عسب ناعمه كل شي يهون ..

فهيد كان يالس فالصاله ويلعوز بنت عمه نوف اللي ما شايفنها من اسبوع واكثر .. وناعمه كانت يالسه وتظحك ..

فهيد: مستويه حلوه حلوه واااااااااايد
نوف:انته ايه .. وايد ترمس
فهيد: ادري انزين .. انتي توج تدرين
نوف: اسير العين احسن .. انته هني وايد تلعوزني .. والله بخبر عليك ابويه
فهيد:فكه كنا مرتاحين ما تيين بيتنا .. ههه خبري ابوج
ناعمه:هههههههه فهيد اسكت عنها
فهيد:وين حروبج اليوم
نوف:سار الريال سار وراه شغل
فهيد:هههههههههه والله تظحكين .. مصدقه عمرج
ناعمه:فهيد عشان خاطريه ما اقدر اظحك زياده
فهيد:اختج خربوطه .. كشخه احب العوزها
نوف:خربوط محد غيرك

خلفان:السلام عليكم ورحمة الله وبركاته
الكل : وعليكم السلام ورحمة الله وبركاته
نوف:اقولك انته شل اخوك من هني
فهيد:هههههههه شوه شوه عيدي والله رمستج تظحك
ناعمه: نوف عيب
نوف: حشره هالبيت .. عمي يايب وحوووووووووش مب اوادم
فهيد:عمج هذا يستوي اخو ابوج .. وابوج بعد ما قصر ياب وحوش غير
نوف (ترمس خلفان): ايه انته اقولك شل اخوك ما تسمع
ناعمه (وهي فاتحه عيونها على نوف):نوف عيييييييييييييب
خلفان:انا ايه ؟؟ انا عندي اسم
نوف:نسيت شوه اسمك
خلفان:وين كنتي طول هالأسبوع ما شفناج
نوف:اصلا انا ما شايفتنك اكثر من اسبوع مب اسبوع واحد بس .. عفانا الله ما يعرف يحسب
فهيد:هههههههههه خلفان لا ترمسها هاي لسانها طويل ما بتتحملها
خلفان (ابتسم) : خلها ياهل هاي.. جيه تلعوزها
فهيد:والله شوف شوف .. نوف
نوف (وهي حاطه ريل على ريل ورافعه خشمها):نعم
فهيد:محلوه اليوم شوه السالفه ..
نوف:إف يا ربييي اسكت عني ذبحتني لعوزتني .. والله بخبر عليك ابويه
فهيد:شوف ويها ههههههههه حلو والله كشخه
خلفان:ههههه انزين بسك هالكثر .. البنيه بتشرد وبتحرم تيي هني مره ثانيه
نوف:هيه والله سكته سكته
خلفان:وين امايه ؟؟
فهيد:امايه سارت المطبخ الحين بتيي
خلفان:اقول ناعمه تعالي شويه ..
ناعمه:انا ؟؟
فهيد:هيه انتي .. في وحده ثانيه اسمها ناعمه غيرج ؟؟
خلفان:فهيييييييييييد
فهيد:انزين والله افهمها بس ..

ظهر خلفان برع فالحوش .. وناعمه لحقته وهي ميته من الزياغ .. اول مره خلفان يزقرها ويرمسها .. شوه يبغي ؟؟ شوه السالفه ؟؟ ليكون سامع شي .. بسم الله عليه بلاني زايغه انزين انا ما مسويه شي اصلا ..

وقف خلفان وصد وراه .. بس ناعمه مب منتبهه بس تمشي ورى خلفان وهي زايغه وتفكر .. فدعمته ..
يوم انتبهت ( تو الناس) انه دعمته وانه واقف جدامها .. وقفت وقفطت ومنزله راسها مالها ويه ترفع راسها ..

خلفان (ابتسم): شحالج
ناعمه:بخير
خلفان: الحمدلله
ناعمه: شوه تبغي ؟؟
خلفان:بسم الله جيه من دون اي مقدمات شوه تبغي
ناعمه:آسفه ما اقصد .. بس يعني
خلفان:زايغه حد يشوفنا ؟؟
ناعمه:لا مب جذه .. بس حارب
خلفان: عادي .. انا بقوله .. وبعدين محد يقدر يمنعني اشوفج .. والا ارمس وياج على انفراد
ناعمه: خلفان الله يخليك قول بسرعه .. حارب لو يا وشافنا بيسوي لي سالفه
خلفان:ما يقدر .. ما يقدر .. تدرين ليش
ناعمه:خلفان مب وقت عناد
خلفان:انزين .. بروحج طلبتي تبغين بسرعه ارمس .. متى تبغينه العرس؟؟

رفعت ناعمه راسها وهي مبطله عيونها على خلفان ..
شوه انا في حلم والا في علم ؟؟ خلفان بنفسه واقف جدامي ويسألني متى ابغيه العرس ؟؟ لا في شي اليوم .. مريض يمكن .. واي فديته والله خلفان مريض .. لا بلاني انا .. امرض ولد الناس .. لا صاحي .. لانه توه كان بيعاند حارب .. لا هذا هو خلفان .. بس شوه ياينه؟؟

خلفان:انا اسأل
ناعمه:نعم؟
خلفان: ناعمه .. بنملج ان شاء الله عقب كم يوم .. والحفله مره وحده بنسويها .. فأبغي اعرف الحين متى تبغينه العرس ؟؟
ناعمه (وهي مستحيه ): انا ما يخصني انته كيفك
خلفان: ليكون انا باخذ بنت اليران .. ثرني باخذج انتي .. انتي العروس قولي متى تبغينه .. لاني اليوم يوم برد فالليل ان شاء الله بقول حق امايه اني عزمت نملج ونسوي حفله مره وحده ..
ناعمه: كيفك
خلفان:بعد قالت كيفك .. قولي متى تبغينه .. قولي
ناعمه: انا ما اعرف
خلفان:انا لله وانا اليه راجعون
ناعمه (وهي جريب تصيح ):لا تعصب والله .. بس كيفك متى تبغيه .. انته كيفك

خلفان حس انه قام اسلوبه يستوي جاف ..
والله مب مني .. هي ما تقول متى تبغيه العرس .. ما ترمس .. ما تسولف .. وايد هاديه وتستحي .. ما عليه .. عقب العرس بنشوفج ان شاء الله .. خلني اخف عليها الحين .. زاغت البنيه حليلها

خلفان (ابتسم): انزين مثل ما تبغين كيفي .. وعقب مب تقولين اليوم والوقت مب زين ..
ناعمه (ردت له الابتسامه ): لا ما بقول
خلفان: يالله عيل سيري عن ايي حارب
ناعمه:ان شاء الله ..

فالسوق

شذى: شهاب تعال
شهاب: شوه ؟
شذى:شوف هاللون حلو
شهاب: انتي ولا لون يليق عليج
شذى:بسكت عنك بس لان نحن فالسوق الحين .. ما ابغي افضح عمريه .. عقب يقولون يمكن هذا ريلها تظارب وياه فالسوق
شهاب:بسم الله عليه آخذ وحده شراتج
شذى:انزين اسكت .. وينه ناصر؟
شهاب:مينونه انتي ناصر يدخل محلات بدل حريم
شذى:عيل انته جيه داخل اظهر برع .. واستح على ويهك
شهاب:والله ودي .. لو كان ما في ولا ريال فالمحل بظهر .. بس شوفي كل وحده وما ادري منوه وياها .. ما بخليج روحج.. مع انهم ما بيصدون صوبج بس بعد
شذى:والله سخيف
شهاب:مب اسخف عنج

ناصر كان واقف ويلعب في مبايله ..
هههههههههههه والله حليله خلفان .. رايح الدوام .. زين شردت دبرت روحي .. بتصل فيه اسأله .. شحال الدوام وياه ..

انا احلم .. لا اكيد شبح .. شبح متجول في صحارى .. هههههههه حلوه هاي .. بس لا جنه هذا حريز .. هيه والله حريز .. هاي هي .. والله هي .. واخيرا شفتها .. جيه كنت اتريا اشوفها ؟؟ هيه افكر فيها من اول مره شفتها وكل مره تمر صورتها فخيالي .. بعد اسأل ابغي اشوفها .. بسني استعباط واقص على عمريه .. اوني ما ابغي اشوفها ..

حريز: اقول اليازي .. سيري داخل بسلم على واحد وبرجع
اليازي:استحي ادخل روحي
حريز:اليازي جيه شوه .. قايل لج دخلي على رياييل انا .. والا في حد داخل بيخطبج .. بتختارين بدله .. وانا قلت بسير اسلم وبرد
اليازي:وين اليازيا
حريز:ما ادريبها .. بعدها جنه فالمحل هناك
اليازي: انا سحبتك ويايه وما خليتك اتم وياها لاني استحي
حريز: هيه حليلها خليتينا نودرها ما فيج صبر
اليازي:هي مب ياهل ما بتضيع
حريز:انتي حتى مب ياهل ما بيخطفونج داخل .. دخلييييييييي
اليازي:انزين ههههههه بس لا تتأخر
حريز:بس بسلم وبرجع هني هذو الريال واقف .. ربيع خلفان
اليازي:ويه ربيع خلفان عيل اكيد مثله سر سر
حريز:ههه الله ياخذ عدوج

سار حريز صوب ناصر يسلم عليه .. وناصر يسوي عمره الحبيب ما شاف حريز .. يتريا حريز ايي يسلم ... ولانه كان يطالع البنيه اللي ويا حريز مب حريز نفسه .. استحى يروح يسلم ..

حريز:السلام عليك
ناصر:هلاااااااا حريز .. وعليك السلام .. شحالك
حريز:بخير الحمدلله .. انته شحالك
ناصر:تمام .. علومك يا ريال
حريز:طيبه
ناصر:وينك ؟؟ ما شايفينك من زمان
حريز:موجود انته اللي وينك
ناصر:انا امسات في بيتكم ( وسكت .. مينون اقول فبيتهم عن يزلق لساني واقول شفت اختك).. كنت ظاهر ويا خلفان
حريز: زين شفناك هني
ناصر (وهو يستعبط): شوه تسوي ياي صحارى اليوم
حريز:يايب الاهل .. انته اللي شوه تسوي
ناصر:حالي من حالك
حريز: هههههههه يالله عيل بخليك ..
ناصر:سلم على خلفان .. والوالد
حريز:الله يسلمك .. يبلغ وانته بعد سلم

ناصر من لف حريز بيرد المحل وهو عينه فالمحل على طول .. يدورها وينها ؟؟ وين سارت ؟؟ وين اندست هاي ؟؟ والا اخته شذى واخوه شهاب ظاهرين من المحل ..

شذى:افففف اسكت عني
شهاب:بسكت بسكت .. يالله ناصر
ناصر:ها؟خلصتوا
شذى:هيه خلصنا
ناصر:ما تبغين شي ثاني
شذى:لااا
ناصر:كم بدله اشتريتي ؟؟
شذى:ثنتين ..
ناصر:بس ؟؟ خذي اكثر .. في وايد اشيا حلوه في هالمحل
شذى:ما عيبني .. ؟؟
شهاب:مستوي كريم الاخ ..
ناصر: ما تبغون شي ثاني ؟
شهاب:والله انا يوعان
ناصر (ظهر بوكه): خذ هذا .. وسير كل انته وشذى .. ويوم بتخلصون اتصلوا بي انزين .. مع السلامه ..
شهاب:فضحتني الله يفضحك .. قالوا لك شحات ياي صوبك .. تظهر بوكك وتعطيني بيزات
شذى:هههههههههههه حلوه الحركه
شهاب:مالت عليج انتي الثانيه
ناصر:سيروا سيروا عني الحين ..

مشى شهاب ويا شذى .. وشهاب حاس ان ناصر فيه شي ..

شهاب:تصدقين .. ناصر فيه شي
شذى:شدراك
شهاب:انا متأكد .. تصرفاته مب طبيعيه اليوم
شذى:خل الريال فحاله ..
شهاب:انزين اسكتي .. خلاص
شذى:يرمس وعقب يسكت
شهاب:كيفي

ناصر.. سااااااااااارت سااااااااااارت .. الله ياخذ ابليسك يا شهاب .. من متى اتريا بس اشوفها مره ثانيه ..وتخرب عليه .. ليكون ساروا البيت .. عادي حريز يسويها .. ديايه الساعه 5 عالفراش يرقد .. لا وين وايد بالغت الساعه 6.30 الحين .. اليوم مستوي شاطر للحين سهران ... وينها وينها وينها ابغي اشووووووووووفها بس مره وحده بس ..

وصعد الدري المتحرك .. وهو صاعد شاف وحده كانت نازله من الدري الثاني ..

ناصر.. هذي والله هي .. بروحها بعد .. وين حريز ؟؟ اكيد سار يشتري شي وبيرد لها ....

اليازيا.. وينه حريز وين سار .. اتصل بهم احسن .. اتصلت انزين ما يردون لا حريز ولا اليازي .. ادور الحين جذه فالمحلات مثل الخبله .. بدخل هالمحل ..

ناصر لين صعد فوق ومره ثانيه نزل .. ضاعت عنه اليازيا ..
وينها بعد ضاعت .. تقولين ادور ابره في كومة قش .. وينهاااااااا يا ناس خاطريه اشوفها عدل والله من جرييييييب ..

اليازيا.. برد من وين ما ييت .. احين جذه ادور بضيع .. الله ياخذ عدوج يا اليازي ردييييي ..

ووقفت جذه مصدومه .. انته من وين ظهرت ؟؟ لا مستحيل .. ما اقدر .. ما صدقت انسى الكابوس لمدة ساعه من دخلت صحارى .. الحين يظهر جدامي

ناصر..هذي لقيتها .. والله لقيتها .. هههههههه والله واقفه وتطالع .. زاغت البنيه .. شايفه الشبح اللي شافها في الميلس مالهم ..

اليازيا.. بشرد بشرد .. وينه حريييييييييييز رد عالمبايل .. وتمت ادور بروحها وصعدت فوق مره ثانيه ونزلت ..

ناصر.. هاي تلعب .. توها صعدت والحين نزلت .. وخلتني اصعد وراها .. انزين هي ما ظربتني على ايدي وقالت تعال ورايه .. بعد بضيع عني .. يا ربييييييي خبلت بيييييييي

اليازيا.. الحمد لله ضيعته .. ما ادري وين سار .. ان شاء الله يسير ولا يرجع يا رب ولا اشوف رقعة ويهه طول حياتي ..

حريز: شوفي اليازيا ما اتصلت بج
اليازي: متصله فوق العشر مرات
حريز:وانا بعد متصله فيني كم مره .. وين نحن ما نسمع ؟
اليازي:ههههه شدراني ..
حريز: اتصلي فيها قولي لها تيي السياره نحن سايرين ..
اليازي: انزين

اليازيا كانت فالمحل .. وما عندها شي بس تتريا اليازي او حريز يتصلون .. وما تبغي تظهر عن تشوف ناصر.. ورن مبايلها ..

اليازيا: تو الناس ويا ويهج
اليازي:ههههههه شسوي انزين ما سمعته يوم رن
اليازيا: وينكم انتوا الحين ؟؟
اليازي: سايرين السياره تعالي
اليازيا: انزين يالله باي
اليازي:لا تزعلين فديتج والله
اليازيا:ههههههه ما بزعل جيه شوه ..
اليازي:هههههههه انزين باي

حريز: بعد يعني لازم زعل وما ادري شوه
اليازي:هيه لازم
حريز:انتن
اليازي:بلانا ما فينا شي
حريز:انزين يالله امشي ..

ناصر يدور فالسنتر مثل المينون يدور يدور .. ورن مبايله ..

شهاب:ناصر وينك ؟؟
ناصر:هني انا تحت
شهاب:نحن خلصنا
ناصر: انزين يالله نزلوا
شهاب:الحين شذى بتشتري من باسكن وبننزل
ناصر : انزين

وشاف حريز ماشي جدامه ووياه بنيه .. ومن دون احساس بند في ويه شهاب ..

ناصر.. بعد ردت ويا حريز .. سخيفه جان كملتي حواطتج بروحج .. بلاني عالبنيه ما اعرفها واقول عنها جذه .. بيسيرون البيت اكيد ..

شهاب: تصدقين صكر فويهي
شذى:ههههههه عادي تيكت ايزي
شهاب: لا ناصر اليوم متخبل صدق ..
شذى:الريال يمكن مشغول يمكن عنده شي ..
شهاب:يا غبيه .. اعرفي اذا شفتي ولد وتصرفاته جيه مثل الخبايل ومب على عوايده .. اعرفي انه عسب بنيه وانه يحب ..
شذى: عيل انته خبله من زمان .. يعني عسب بنيه وتحب .. لا ما اظن متى ترضى بك انته
شهاب:ماااااااااالت عليييييييييييج شذو .. والله مالت عليج .. جب انزين
شذى:هههههههههههه
شهاب:بسرعه بسرعه خلصينا

اليازيا كانت توها ظاهره من المحل وشاله خريطه من المحل نفسه .. اشترت قميصين عيبوها حقها وحق اليازي ..

ناصر .. كان يالس تحت .. يتريا اخوانه .. يالله الحمدلله عالأقل شفتها .. بس ليش متخبل عليها جذه .. بلااني .. هذا وانا شايفنها مره وحده بس .. واستوى بي جذه الله يعيني .. اليوم بالصدفه شفتها مره ثانيه وين بشوفها بعد .. الله أعلم .. الله يصبرني ..

ومرت اليازيا من جدامه ..

ناصر .. والله بتخبل بي هاي .. من وين ظهرت ؟؟ يا عالم يا ناس فهموني .. انا في حلم والا في علم .. كل ما رمست عنها ظهرت جدامي .. لا وبعد هالمره مب ويا حريز .. صدق انها قاصه عليه .. مره تزقره وياها ومره تسير بروحها ..

نش ناصر من مكانه وتم يلحق اليازيا .. وهي انتبهت ..

اليازيا.. هذا شوه يبغي .. الحين ايمع خلق الله عليه زين .. عسب يتأدب .. مساعه كان يطالع .. والحين لاحقني .. اكيد عرف اني انا اخت خلفان .. واني انا هي اللي شافها فالميلس .. مالت على شيفته ..

ظهرت اليازيا برع وحريز كان يترياها فالسياره مع اليازي .. ركبت وساروا ..

ناصر: اف حريز الدب الثاني .. بتريا شويه .. ما صدق يت ركبت وعلى طول داس وسار .. انزين بعد يعني شوه يسوي ؟؟ صدق اني غبي .. هههههههههههه مب مني من اللي خلت الغباء يسيطر عليه .. وخبلت بي .. آآآآآآآآآآآه .. خلني اتصل في شهاب احسن ..

نوف كانت تراكظ فالحوش تلعب .. وناعمه كانت يالسه فالصاله ويا حارب ..

ناعمه:قول بتودينا ؟
حارب:انتي منوه حاط فبالج هالفكره اليوم ؟؟
ناعمه:انته ما يخصك الحين بتودينا والا لا
حارب:اول شي ابغي اعرف .. من وين بعد عرفتي الممزر والخور
ناعمه:الخور فعينك .. بسير الممزر اقولك
حارب:انزين وهاي اللي مخبلتنج ما قالت لج ان اليوم بس حق البنات
ناعمه:هيه قالت عيل انا ليش بسير
حارب:انزين وما قالت لج ما يخلون الرياييل يدخلون .. يعني من عند الباب ممنوع ..
ناعمه:كيف؟؟
حارب:ما يستوي .. اذا انا وديتج انزلج عند البوابه ..
ناعمه:بقول لها عيل هي تمر عليه
حارب:لا حبيبتيه لا تقولين لها .. لان انا ما بخليج
ناعمه:ابغي اسير انزين
حارب:ما شي كيفج
ناعمه:انته وصلني لين البوابه وعقب هي بتيي تاخذنا
حارب: جيه هي تسووووووق؟؟
ناعمه:هيه تسوق .. فيها شي ؟
حارب:لا ابد ما فيها شي .. بنت منوه هي ؟
ناعمه:سخيف واسألتك اسخف
حارب:انزين منوه بيسير وياج ؟
ناعمه:انا قلت حق اليازيا واليازي .. بشوفهن جانهن بيين هالمره
حارب:مستحيل .. ما بيخلونهن
ناعمه:ما ادري هالمره ناويات هن .. بس ادري عمي لو وافق امهن ما بتوافق .. وحريز اول واحد ما بيخليهن ..
حارب:وبتودين نوف ؟
ناعمه:هيه هي قالت انها بتيي
حارب:ومرضيها شرات المره اللي طافت
ناعمه:والله روحها سارت اسبحت شسوي انا

اليازي واليازيا يحاولن يقنعن حريز قبل امهن انهن يسيرن الممزر مع ناعمه ..

اليازيا:حريز الله يخليك .. بنسير
حريز:ماشي قلت انا لا يعني لا
اليازي:انزين بنسير ويا ناعمه
حريز:ناعمه كيفها
اليازيا:نحن بعد كيفنا
حريز:كيفكن انزين سيرن .. دام شوركن في ايدكن ليش بعد يايات تستأذنن منا
اليازي: حريييييييييز
ام خلفان:شوه بعد حريييييييز ؟؟ صدقه .. دام شوركن في ايدكن جيه يايات تشاورونا نحن
اليازيا: امايه والله الحديقه كلها بنات اليوم
ام خلفان:يعني بنيات ما يستوي رياييل يدخلون
اليازي:لا .. اللي يشتغلون والشرطه واللي عند البحر كلهن حريم والله حريم .. ناعمه قالت
ام خلفان: ويا هالناعمه .. سارن وردن عالبنيه مخبله بكن اليوم انا الا اتصل في امها واقول لها ما تخلينها تسير
اليازي:مب كفايه مانعينا انا واليازيا .. تبغون تتحكمون في بنت الناس بعد .. لاحقه على الحبسه بتاخذ خلفان وبينكد عليها
ام خلفان:شهالرمسه بعد
اليازي:هيه بعد شوه
حريز:لا اتمين الحين ترمسين عن خلفان وناعمه

خلفان كان نازل من فوق .. من شافنه اليازيا واليازي سارن صوب حريز وحده يلست على يمينه ووحده على يساره ..

خلفان: سمعت خلفان وناعمه بلاهم ؟؟
اليازيا( وهي تصاصر حريز):والله ما تقوله
حريز:هيه ألسنتكن طويله علينا .. يالله رمسن والا تستحن من خلفان يعني
اليازيا (اطالعته بنظره):حريز
حريز:نعم شوه .. انا هني ..
خلفان: امايه عزمت عالعرس

اليازيا بطلت عيونها .. كيف قدر يقتنع ويقرر يعرس الحين ؟؟ مب معقوله هذاا خلفان لا مستحيل بلاه اخويه مريض ؟؟ يمكن فيه حمى !! ونفس الحال مع اليازي ..

ام خلفان: هذي الساعه المباركه .. متى عزمت ابويه
خلفان: واالله كيفكن انتن الحريم .. بس انا ابغيه العرس الحين .. وايد طولت وانا خاطب البنيه ..
ام خلفان:خلاص برمس ابوك ان شاء الله
خلفان: كنت اناا بنفسي بخبره .. بس دورته مساعه ما لقيته .. انتي قولي له ..
حريز:ايه انتن بلاكن
اليازيا: متأكدين ان هذا خلفان ؟
خلفان: ليش انتي عندج شك في هالموضوع
اليازيا (انتبهت و قفطت): شوه ؟؟ آسفه ما كان قصدي
حريز:غيرتن رايكن ما تبغن تسيرن الحديقه
اليازي:هيه صدق والله الله يخليكم .. قلنا لكم ناعمه بتسير بعد (وانتبهت ان خلفان يالس) اوه نسيت
خلفان:ناعمه وين بتسير؟
ام خلفان:ابويه خواتك يبغن يسيرن حديقة الممرز والا ما ادري شسمها .. واونه ناعمه قايله لهن تعالن
اليازيا:انزين والله نحن مب صغار
حريز:ثرني قلت لج اذا مب صغيره وكبيره انتي .. وتسوين كل شي على كيفج بعد ليش يايه تشاروينا
خلفان: انزين برايهن خل يسيرن ..
اليازيا: احلف
خلفان :يعني انا جذاب
اليازيا: لا ما قصدت
حريز:شوه برايهن انته بعد
خلفان: انا اعرف اليوم الحديقه بس فيها بنات .. ومدام ناعمه وياهن خل يسيرن بس ما يتأخرن ..
حريز:لا
اليازي:حريز الله يخليك لا تنكد علينا ..
حريز: بوديكن اي مكان تبغن .. بس الحديقه ورواحكن مستحيل
اليازيا:حرييييييييييييييييييييييز


نوف:حروبي يالله بنتأخر

حارب كان نازل من فوق بسرعه بسرعه .. ومتسفر وكاشخ ..

نوف:اونه اونه .. وين بتسير؟
حارب:انتي شلج ؟؟ مب بتسيرين الحديقه ليشش تسألين
نوف:انزين ابغي اعرف
حارب:بسير ويا حريز ..
نوف:اانزين وين ؟
حارب:مكان حلوووووووووو .. (وبدا يغايظ نوف) فيه بنات صغار يلعبن بصورهن .. وعندهن العاب وايد .. وببمر الجمعيه قبل ما نسير وبشتري لهن حلويات وبرينجلز ..
نوف:عادي عادي .. شوه يعني يوم برد بخليك توديني
حارب:ط هاي والله .. هههههههه .. مصدقه عمرج وايد .. اختاري شي واحد تبغين الحديقه والا تيين ويايه
نوف:ابغي الحديقه وعقب يوم برد بتوديني الجمعيه
حارب:قلت لج شي واحد بس
نوف:انزين انا ابغي شيئين

ناعمه: حارب يالله نسير (وكانت تمشي نازله من فوق )
حارب (يقلدها): حارب يالله نسير .. دريول ابوج انا
نوف:بس بس .. يالله ودنا
حارب:منوه بيي وياج بعد
ناعمه:بنات عمي
حارب:لااااااااا .. حلفي ؟؟ قولي والله ؟؟
ناعمه:والله
حارب:غريبه
ناعمه:ليش غريبه
نوف:لان اول مره يا غبيه
ناعمه:اسكتي انتي
حارب:هيه والله اول مره .. ليكون سحروا حريز .. ما استبعد عنهن شي هالسويحرات
ناعمه:هههههههه جييييييييه ؟؟ حليلهن والله ما صدقن وافق
حارب:لا اكيد السالفه فيها إن .. بين وياج ؟؟ نمر وراهن ؟
ناعمه:هيه ..
حارب:عيل بعرف السالفه .. وانا حارب
نوف:يالله عاش حروبي .. نسيرررررر
حارب:نسير ..

شهاب كان متكشخ وبيظهر من البيت .. وشذى مثل كل مره ملانه وما تدري شوه تسوي اخوانها يظهرون من البيت وهي اتم بروحها ..

شذى::والله يا شهاب اني ملانه
شهاب:ادري
شذى: وكارهه حياتي
شهاب:ادري
شذى: وابغي انتحر
شهاب:احسسسسسسسسن انتحري فكه .. تعرفين والله زين .. هني نفتك منج فالدنيا بعدين يوم القيامه بعد سبحان الله بنفتك منج نحن بندخل الجنه وانتي في جهنم تسبحين في انهار النار ههههههه بنسوي لج بااااااااااااي (ويسوي بإيده باي )
شذى:بسم الله عليه .. مالت عليك ما تطلع كلمه حلوه من ثمك ..
شهاب:انتي قلتي بنتحر مب انا
شذى:كنت اتغشمر
شهاب: هيه اتغشمري عسب يستوي صدق
شذى:واشدراك بتدخل الجنه ؟؟ بكيفك هو
شهاب:ان شاء الله .. نتمنى ..
شذى: آمين
شهاب:والحين شوه بغيتي ؟؟ بسير
شذى:ابغي اظهر
شهاب: تظهرين وين تسيرين
شذى:مب انته اخويه .. ظهرني
شهاب: آآآآسف .. ما اظهر بنات ويايه .. وبعدين عندج نصور فوق سيري له لاني مواعد الشباب
شذى:ناصر الحين بيظهر بعد ويا هذا ربيعه خلفان ما ادري منوه
شهاب:تستعبط اونها بعد ما تعرف خلفان ربيع ناصر ..
شذى:يعني بس اعرف اسمه
شهاب:انتي لو نحن مسرحينج جان عرفتي عن كل ربعنا اصلهم وفصلهم
شذى:انزين احسن .. عسب لو انتوا اختفيتوا من البيت والا تاخرتوا اتصل بهم اسأل عنكم
شهاب: ولييييييييييييش ؟؟ انتي شدحلج .. ما نبغيج تسألين عنا
شذى:اصلا بسأل عنكم عسب تزيد فرحتي .. انكم ما بترجعون
شهاب:انزين قبل ما نسوي حادث والا شي بنتصل بج وبنخبرج ان نحن الحين بندعم لنا واحد .. والا بنسير تحت الشاحنه
شذى:جان زين .. حلو حط كاميرا فالسياره عسب تصور المشهد
شهاب:افا عليج بحط الكاميرا .. عسب عقب كل مره تشوفين تندمين تقولين وينك يا شهاب عني
شذى:ما بقول
شهاب:تتحدين
شذى: اتحدى .. شوه يعني .. اقولك فكه منك
شهاب:هههههههههه انا مب مينون اسير تحت شاحنه عسب خاطر عيونج .. تبغين انتي سيري .. بوديج شارع الامارات على كيف كيفج اختاري الشاحنه اللي تعيبج وبخليج تسيرين تحتها
شذى: لا .. احلف عاد
شهاب:هيه والله .. جان تبغين بعد .. اختاري منوه حاط احلى باقه جدام ؟؟ منوه كاتب سبحان الله جدام بخط احلى .. منوه صابغ شاحنته احلى هههههههههه
شذى:سر سر .. خلاص ما يسووى علينا طلبنا منك هالطلب
شهاب:انزين بسير اصلاا منوه قالج بتم .. يالله مع السلامه ..

فالحديقه ..
اليازي واليازيا .. بعدهن ما تعودن عالوضع .. ناعمه لان هذيل هن ربيعاتها وتعرفهن .. اما نوف اللي مسويه احتياطاتها .. من غير ما يدري حارب او ناعمه .. شاله لها ثياب ووفوده وكل شي عسب تسبح فالبحر ..

ناعمه:نوف وينها ؟؟
اليازيا:سارت تسبح
ناعمه:وييييييييين ؟؟
اليازي:فالبحر يعني وين
ناعمه: لا تخلونها والله هاي مينونه
اليازيا:نحن بنسير نطالعها
مريم : ناعمه بنات عمج وايد هاديات
ناعمه:طالعات علي
مريم:هيييييييييه باين
اليازيا : نحن بنسير اسمحن لنا
ناعمه:وين ؟
اليازي: بنسير عند نوف .. بنشوفها وهي تسبح
ناعمه: انزين .. نحن هني ما بنسير مكان
اليازيا: ونحن مب صغار ما بنضييع ( و غمزت حق ناعمه)
ناعمه:هههههههه انزين

اليازي واليازيا كانن يتمشن جريب البحر ..

اليازيا: ناعمه ما تعرف ان خلفان عزم عالعرس ؟؟
اليازي:ما ادري والله .. هو اليوم رمس
اليازيا: اقولج شي استوى لي
اليازي ( خافت من اسلوب اليازيا ) :خير شوه مستوي ؟؟
اليازيا: شفت ربيع خلفان في صحارى
اليازي:اي واحد ؟؟
اليازيا: اللي شافني فالميلس
اليازي:حلفيييييييييييي
اليازيا:والله ..
اليازي:انزين وشوه سويتي له
اليازيا:سرت حضنته
اليازي (وهي فاتحه عينها):حلفييييييييييي
اليازيا:يعني سؤالج سخيف .. اونه شوه سويتي له .. ما سويت له شي
اليازي:هيه تحسبت بعد ..
اليازيا:هو بعدشافي .. جنه عرفني ما ادري .. وايد تم يطالع واااااااايد
اليازي: جان عطيتيه بالشطنه على راسه
اليازيا:ههه جان انتي ييتي وعطيتيه
اليازي: لو كنت اعرف كنت بيي
اليازيا: الله يعين .. والله العظيم خايفه للحين
اليازي:متفيجه
اليازيا:هيه ادري اني متفيجه

ناصر: وانا بعد ادري اني متفيج .. شوه ابغي بها .. افكر فيها .. شفتها بالغلط في بيت ربيعي .. وبعدين شفتها بالغلط في صحارى .. كل شي استوى غلط × غلط .. ليش يا ناصر تفكر فيها ... ليييييييييييييييييييييييش

ناصر من امس وهو يفكر في اليازيا .. لالا .. مب من امس .. من يوم ما شافها فالميلس ..

ناصر: اوكي الحين شفتها .. ودخلت مزاجي .. وهي ربيعت اخويه وحبيبي خلفان .. اكيد تربيتها زينه .. شوه اتريا بعد ؟؟!! هههههههههه صدق اني اهبل .. اشتغل ومكون نفسي .. وعندي القسم بكبره هني في هالبيت .. بس متى ما عزمت الوالده قالت بنغيرره لك .. هيه وريال وجمال .. شوه اتريا ؟؟ يبالي لا يبالي الصراحه اسير اخطبها وخلاص تنتهي المشكله .. ( وعق عمره على الشبريه ) آآآآآآآآآه يا ناصر شوه بيكون شعورك لو وافقت ..

حريز: حارب نزلتهن ؟؟
حارب:لا عقيتهن
حريز:لا صدق والله
حارب:انته بقولك .. شوه يايبنهن وناسيهن
حريز:حارب خواتي هذيل
حارب:انزين ما قلنا شي خواتك على عيني وعلى راسي .. بس عاد مب جذه .. والله حرام عليكم .. بالغصب مظهرنهن اليوم .. ووين بيسيرن جان زين لو مكان حلو .. الا هو الممزر .. ويوم بنات
حريز:ولانه يوم بنات انا زايغ ..
حارب:هيه صدقك والله .. يوم البنات .. اففففففففف كل المنكر يظهر فيه
حريز :حاااااااااارب
حارب:هههههههههههه اقص عليك .. يعني حريز بالله عليك والله خواتك كبار ما شاء الله .. عادي عادي
حريز: ابويه يقول اليوم بييون رياييل بعد يخطبون
حارب:تصدق والله انا افكر .. احط لافته على باب حوشكم .. واكتب .. لا يوجد بنات للزواج بل وحوش للترويض .. تبغون حياكم !!
حريز:ايه انته شوه تقصد
حارب:لااااااااا .. احلف ؟؟ قول والله ؟؟ تصدق خوفتني.. انته تعرف خواتك اكثر عني .. ما بيوافقن ولا وحده فيهن بتوافق .. ليش تحرجون عماركم وتحرجون عيال الناس وياكم
حريز:شوه نسوي يعني .. اول ما يدخل الريال نقوله ما يبغن البنات .. ما يستوي احباط بيصيبه
حارب:وجنه الا هو ما بيصيبه احباط يوم يكون حقل تجارب لخواتك
حريز: بس هالمره ما بيكونن فالبيت
حارب:بس بيردن وبيقولن ما نبغي .. وبتشوف
حريز:اكييييييييييد .. تعودنا

اليازيا: نوف لا ترشينا بماي ..
نوف: انا ما احب
اليازي:شوه ما تحبين هههههههه نحن اللي ما نحب
نوف:انا ما احب جذه .. تقولن لي لا ترشينا بماي
اليازي:انزين نحن ما نحب
نوف:ابغي آيس كريم
اليازيا: الجو بارد
نوف:ابغي انزين .. والله حلو .. عادي
اليازي:بتمرضين
نوف: ما بمرض .. وحتى لو مرضت عادي انا اللي بمرض
اليازيا:لا والله
نوف:هيه والله .. سيرن اشترن لي
اليازي:والله ما احيد ابوج يابنا من الفلبين حقج .. ظهري من الماي بنوديج نشتري لج
نوف:انزين .. انا بسير الشاليه عند ناعمه بلبس وبرد
اليازيا:انزين ظهري بنيي وياج وعقب بنوديج تشترين لج آيس كريم ..
اليازي:وععع شوفي البنات .. والله لوعن جبدي
اليازيا:مستريلات ..
اليازي: وكله اغاني .. شوه هالسخافه .. ابغي اعرف الناس اييون البحر عسب يبعدون عن الازعاج وهذيل الله يهديهن
اليازيا:فاضيات لا شغله ولا مشغله وهلهن ما دارين عنهن يعني شوه تبغين يسون
اليازي:بس والله اخاف منهن ساعات
اليازيا: الـ boy يات قصدج ؟؟
اليازي:هيه ..
اليازيا:هههههههههه ليش
اليازي:يتصرفن تصرفات شباب .. ومرات ما افرق اذا بنت والا ولد .. تخيلي صدق ولد ..
اليازيا: ويه اميه لا تزيغيني
اليازي: الذئااااااااااب البشريه هههههه
اليازيا:بسم الله .. اسكتي اسكتي
اليازي:والله جنه يايين معرض سيايير
اليازيا: ما ادري منوه الغبي اللي عطاهن الليسن اصلا
اليازي:هههههه صدقج

الساعه 9
ناعمه: حارب عن السخافه
اليازيا:نوف تعالي لبسي نعالج بنسير
نوف:ليييييييييييش ؟ بعدني ما شبعت
اليازي: احمدي ربج مخلينا لهالحزه ..
نوف: انا بتصل في حارب بقوله انتم
ناعمه:حارب هو اللي قال نرجع الحين

اليازيا:انا اعرف مب حارب اللي قال .. هذا حريز اكيد
اليازي:هيه ادريبه انزين .. جنه يهال
ناعمه:ما عليه يعني ما شبعتن ؟؟
اليازيا: لا خلاص بنرد ..
نوف:انا ابغي اتم .. انا ابغي اتم
اليازي:انزين انتي يلسي هني روحج ونحن بنرد البيت ..
ناعمه:بقولج حبيبتيه نوف .. ثرج اليوم بنتهزبين
نوف:ليش ؟؟ ما سويت شي
ناعمه:حارب شوه قالج قبل ما تنزلين من السياره
اليازيا:صح تعالن قال ما نخليها تسبح ..
نوف:عادي عادي ما بيقول شي
ناعمه:بنشوف ..


شهاب وربيعه علي فالسياره سايرين صوب ميركاتو ..

شهاب:علوه والله ميركاتو ما ادانيه ما احبه هالسنتر
علي: اصبر انته انزين .. بنسير الحين شويه .. عندي شغل هناك
شهاب: شوه عندك ؟؟
علي:شغل اقولك
شهاب: والله وراك شي انته ..
علي:لا جدامي ههاااااااااااااي
شهاب: ليكووووووووون؟؟
علي:هييييييييييييييييييه زين اللبيب بالاشارة يفهم
شهاب:انزين انته ما اشرت .. انا احسن عن اللبيب ظهرت بعد .. ما بسير رجعني صوب سيارتيه برد البيت احسن من الهياته وياك
علي:شويه بس ..
شهاب:ما ابغي اقولك .. كل مره يواعد ويورطني انا
علي: لالا .. هالمره وعد
شهاب: اونه وعد .. آخر مره طلعت وحده كبر الكبت .. خيبه ..
علي:هههههههههههههه لا تذكرني فيها
شهاب: والله شوه ياكلونها ما ادري .. لحم بقر طازج يمكن
علي:ههههههههههه
شهاب:ههههههه انزين بسك ظحك عالبنيه
علي:انته يالس ترمس عنها مب انا
شهاب: شوف جدامك 5 دقايق .. والله ما ييت والا اقول ييب السويج عندي
علي:ليش؟؟
شهاب:لانك لو تاخرت دقيقه زياده .. بحرك وبسير بيتنا
علي:جيه ما بتنزل؟؟
شهاب: لا ما بنزل بتم فالسياره .. سر انته ورد بسرعه
علي:انزين .. بشوف شكلها ههههههه
شهاب:ان شاء الله تظهر هالمره جبل مب كبت وبس
علي:هههههه فال الله ولا فالك يا ريال
شهاب:سر سر زييييييين

نوف فالسياره يالسه وتعطس .. وفوق كل هذا منزله الدريشه ..

اليازي:ناعمه هاي اختج مينونه حرجي عليها
ناعمه:نوف دخلي ورفعي الجامه بسرعه
اليازيا:ويه جنها خافت نوف الحين ههههههههههه
ناعمه:والله ما يخصني مشكلتها
اليازي: بس تصدقن الجو الحين حلو لو نيلس عالبحر
اليازيا: لا تحلمين وايد .. لا تحلمين
اليازي:ليش ما احلم .. جيه الحلم حرام
ناعمه:ههههههههه خليها تحلم دامه ما بيستوي واقع ..

ناصر : حلاته البحر والله
خلفان: انزين سوق بسرعه ..
ناصر:انا الحين يايبنك هني عسب تقولي سوق بسرعه
خلفان:ما احب هالسواقه .. جيه يالسين نغازل تسوق شوي شوي
ناصر: هههههههههه انزين بسوق بسرعه

وزاد ناصر السرعه .. ومر صوب ستيشن .. شاف بنيه صغيره منزله الجامه .. خفف السرعه وتم يسوي لها حركات وهي ترد بنفس الحركات .. وخلفان يدور في الأشرطه ..

خلفان:بعد خفييييييييت
ناصر:ههههههههههه شوف هالبنت ..
خلفان:شدخلك في بنت الناس .. خلها
ناصر:بس شويه ارفع راسك وشوفها

خلفان رفع راسه .. وناصر طلع لسانه لها وهي ردت تطلع لسانها ..

اليازي: ايييييييييييه نوف .. شوه تسوين ..

وما انتبهت الا وهي تشوف اخوها خلفان فالسياره الثانيه .. يرت نوف داخل ورفعت الجامه
وناصر لمح جنه شايف هالبنيه من قبل .. هيه شايفنها كيف ينساها .. بس لحظه .. مب جنه اخوها ويايه ..

خلفان:صيح لهن هرن
ناصر( اونه ما يدري بشي) : عيب خلفان .. شوه اهرن حق البنات
خلفان:هرن بسرعه اقولك
ناصر:بنات النااااااااااس

خلفان ما عبره .. وهرن روحه ..
..
اليازي:كله من هاي السخيفه
نوف:إف يا ربييي .. خله عادي
اليازي:عادي فعينج
ناعمه:انا ما يخصني مب وياكن
اليازيا:هيه شوه مب ويانا .. والله خطيبج وريلج فالمستقبل انتي ترمسينه
محيي الدين : انا يوقف هني ماما
اليازي:لااااااااااااا مب توقف بذبحك
محيي الدين:لا انا يوقف ..هدا بابا كلفان .. عقب هو في كلام انا ..
اليازيا: الله ينطب ابليسك لا توقف
نوف:حتى الدريول يخاف والله متفيجين ..
اليازي:جب انتي

ووقف محيي الدين ما فيه على حشرة خلفان .. حليله روحه كل يوم خلفان ينازعه اذا سوى شي غلط .. والا تاخر على امه شوي .. ما فيه هالمره وخواته وياه يحشر الدنيا بعد ..

ناصر:خلفان بتنزل لهن.. ليييييييييييش؟؟
خلفان: اسكت انته اسكت
ناصر: خلفان والله عيب
خلفان: هلي هذيل شوه عيب

من قال هالرمسه .. اونه عاد ناصر توه يدري .. فسكت .. ونزل خلفان ساير صوبهن ..
ناعمه كانت فالوسط واليازيا على يمينها واليازي على يسارها ..
نزلت اليازيا الجامه ..

خلفان: السلام عليكم
اليازيا: هلا وعليكم السلام
خلفان:توكن ظاهرات من الحديقه ؟
اليازيا:هيه
خلفان: الساعه كم الحين؟
اليازيا:توها 9.30
خلفان:9.30 انزين .. حسابي معاكن فالبيت
اليازي:والله مب متاخرات وايد
خلفان: لا .. تقولن الساعه 9.30 ومب متأخرات .. انا وافقت تظهرن وقلت حق حريز يخليكن عسب تسون جذه ؟؟ بس ما عليه نحن الحين فالشارع ..لي رمسه ثانيه معاكن فالبيت ..
نوف:خلفااااااااااااااااان
خلفان:شوه
نوف:انا بيي وياك
ناعمه(ظهرت عيونها حق نوف) نوف يلسي
خلفان:وانتي بعد وياهن .. انتن الثلاثه اصبرن بس فالبيت ..
نوف:انزين نحن بنسير بيتنا على طول
خلفان: لا حبيبتيه ما بتسيرن بيتكم على طول .. محيي الدين .. ودهن كلهن البيت .. ما تسير بيت عمي تسمع
محيي الدين:ان شاء الله بابا كلفان

رد خلفان صوب ناصر ..

ناصر: رد رد من مكان ما ييت
خلفان:وين ارد
ناصر:سر ييب البنيه الصغيره وتعال
خلفان:منوه؟؟ نوف؟؟
ناصر:ما ادري .. اللي كانت تسوي لي حركات .. رد ييبها
خلفان:حشره هاي
ناصر:انزين .. مب احشر منك .. سر ييبها
خلفان:ههههههههه بيسيرن .. مب متفيج خلها زين
ناصر:لا والله حلفتك تسير تييبها

ورد مره ثانيه خلفان اييب نوف .. طبعا ناعمه ما قدرت تقول لا .. دام خلفان هو اللي يزقرها .. ونوف فرحانه تبغيها من الله تسير ويا خلفان ..

شهاب كان يالس فالسياره ويعابل فالمسجل والراديو والأشرطه .. ويوم رفع راسه تم يطالع فالمنظره ويعدل سفرته ..
وهو يعدل .. انتبه في بنات ظاهرات من باب السنتر .. اول مره ؟؟!! لا بس هالبنات كانن يطالعنه ..

جان ييلس عدل .. ويشوفهن .. وهن ما شي ما يخوزن عيونهن ..

بللللللل .. مب نظرات هاي .. خيبه .. ما يخوزن عيونهن .. عفانا الله .. انا برويهن كيف يطالعن واحد ما يعرفونه بهالطريقه ..

ورفع حياته لهن .. ويشوفهن بنظره .. يوم شاف انه ما شي فايده .. أشر بايده

شهاب:شوه

.................: اويه هذاك يأشر لنا
......:خليه عنج انزين .. شباب يعني شوه تبغين يسوي اذا شاف بنات
.................:اقولج ما فيه انا نسير بسرعه نركب السياره
......:شباب آخر زمن صدق انهم ما يستحون

شهاب:بنات آخرزمن صدق انهن ما يستحن

وفي نفس الوقت شاف علي ياي ..

علي: حرك حرك حرك بسرعه
شهاب:شوه ليكون صدق طلعت كبت
علي:الله يخليك ما تبين .. ما شفتها
شهاب:كيف يعني؟
علي: ما تشاهد ما ادري شوه اصلها
شهاب:ههههههههههههه حلوه حلوه .. والله لو اني متحرك قبل ما توصل زين .. اوهقك وياها
علي:لا الله يخليك اول ما شفتها شردت .. يالله بسرعه والله اخافها تظهر
شهاب:ههههههه حليلك .. مستواك
علي:مالت عليك .. يالسبال ..

ناصر يموت على اليهال .. ومستانس ان نوف وياهم .. ونوف ما تقصر لسانها طويل .. يقولها كلمه ترد عليه بعشر وهو يعيبه الياهل من هالنوع جريء بس من دون قلة ادب طبعا ..

ناصر:انزين يا نوفه وبعد شخبارج
نوف:كم مره سألتني الحين
ناصر:لاني احبج
نوف: ابغي اسير عند حروبي
ناصر:حروبج منوه بعد .. ها خلفان من الحين تعلمون عيالكم عالحب والخرابيط
خلفان :لا يا بوك حارب اخوها ..
نوف:ودني البيت ..
ناصر:يالله يالله ما شي حارب ما حارب يلسي هني
نوف:مب على كيفك .. انا ابغي اشوف حروبي اليوم ما شايفتنه
خلفان:هههههههه انزين الحين بنرد البيت
ناصر:عقب ما شبعتي وكلتي ووديتج سبينس وفلستيني تقولين اردج .. لا حبيبتيه ما شي رده
نوف:خلفان قوله هذا يسكت .. ويسوق بس
خلفان:هههههههه سمعت
ناصر:ههههه قويه هاي .. انزين ما عليه .. يعني ما استاهل تقولين لي نصوري بعد
نوف: انزين خلاص بقولك نصوري بس لو وديتني البيت .. عسب اشوف حروبي
ناصر: كملت .. قولي بعد خلوفي عسب خلفان
نوف:لا خلفان ما اقدر اغير اسمه
ناصر:ليش؟
نوف:عشانه شرات حامد اخويه عصبي .. وكله يحرج عليه
خلفان : اناااااااااااااااااااااااا ؟؟
ناصر: هههههه فضحووووووووووك
خلفان:انزين ما عليه
نوف:لا والله خلاص آسفه
خلفان:عقب شوه ؟؟
نوف: اوهوووووووو خلفان
خلفان:ههههه مينونه هالبنيه صدق خبله

اليازي واليازيا موووووووول زايغات .. وماشي يعني فرصه للتفكير والا شوه يسون .. وناعمه اللي ميته من الزياغ اكثر منهن ..

اليازيا:والله لو سوى بنا شي .. جان ما قلت حق ابويه هالمره
اليازي:اللي بيعبرج عاد .. ابويه ما بيسوي شي
اليازيا:لا والله بيهزبه .. ما سوينا شي غلط
ناعمه:سكتن .. انا انا شقوووووول .. ودوني بيتنا
اليازي:والله حالج من حالنا .. قالج ما تردين البيت لين يوصل
ناعمه:كله من هالخايسه نوف
اليازيا:خاطريه ازخها واظربها ظرب
اليازي:هي مستانسه الحين .. خلفان وربيعه يحوطونها ويدلعونها ونحن نتحرقص هني
ناعمه:بذبحها بذبحها ناويه عليها .. بس خل ترد ..

وحريز دخل عليهن .. وناعمه عدلت يلستها ..

حريز:السلام عليكم والرحمه
الكل: وعليك السلام
اليازيا:حريز وين بتسير؟
حريز:ولا مكان

وسارت اليازيا ركظت ولصقت فيه .. واليازي من الصوب الثاني

حريز:بلاكن ؟
اليازي: خلفان الحين بيي
حريز:صح تعالن
اليازيا:شوووووه؟؟ قالك شي ؟
حريز:منوه؟
اليازي:خلفان
حريز:له خلفان ما رمسته اصلا الا مساعه العصر يوم انتن هني .. ليش ؟؟ شوه السالفه
اليازيا:خلاص عيل مب لازم تعرف
حريز:متى رجعتن من الحديقه
اليازي:لا تييب طاري الحديقه يا ريت لو ما سرنا
حريز (عقد حياته): ليش؟شوه استوى؟
اليازيا: ما شي .. بس تونا رادات من الحديقه
حريز:لاااااااااااااااااااااااااااااااااااا
اليازي:شوه لا
حريز: توكن رادات من الحديقه .. يا سلام .. ما عليه .. بنشوف منوه مره ثانيه بيخليكن تظهرن من البيت ..
اليازيا:يالله عاد حريز ما تأخرنا
حريز: والحين ليش زايغات خلفان يوصل ؟؟

وفي نفس الوقت .. دخلت نوف ..

اليازي:وصل

خلفان:السلام عليكم
حريز: وعليك السلام
اليازي:نحن بنسير نرقد الوقت تأخر
خلفان:يلسن مكانكن ولا وحده تتحرك
نوف:ويييييييييييه قفطوها
ناعمه: نوف جب
خلفان :وانتي بعد وياهن
اليازي: ما تأخرنا انزين .. توها الساعه 9.30 استوت وردينا
خلفان:الحين الساعه 10 وربع بعد
اليازيا:توها الساعه 10 وربع نحن ظهرنا من الحديقه 9.30
خلفان:انزين .. ما عليه .. من اليوم ورايح ما شي طلعات ..
اليازي: افففففففففففف
حريز:اليازي اسكتي ..
خلفان (وهو معصب):شوه اف بعد
اليازيا:ولا شي خلاص .. ما قالت شي
خلفان: سخافة البنات هاي ودروها عن روسكن ..

سار خلفان فوق .. وهو معصب عالبنات .. واليازي خذت الموضوع عادي .. اما اليازيا فكانت تشوف ناعمه اللي صدق قافطه من طريقة خلفان .. مب ياهل هي عسب يرمسها جذه .. وجدامهم كلهم بعد ..

حريز:تتأدبن
اليازي:عادي
حريز:عادي هاااااا .. جان رمستي جدامه
اليازي:جيه هو عطاني فرصه ارمس
نوف: ناعمه وين حروبي متى بيي

وناعمه ما ردت عليها ..

نوف ( قربت منها): ناعمه .. وين حروبي
ناعمه: نوف قومي عني احسن لج .. الله ياخذج ان شاء الله

رفعت ناعمه راسها وهي صدق معصبه .. نوف شافتها جيه .. ما رمست بعد سارت عند اللي يالس هو الثاني وفاتح ثمه .. حريز منصدم من طريقة ناعمه اول مره تصرخ اول مره ..
واليازي سكتت ما قدرت تقول شي .. ما تعرف تصرف في هالمواقف عدل ..
اليازيا .. الثانيه سكتت وما رمست .. تخلي ناعمه روحها تهدى .. احسن من ان واحد فيهم يرمس وناعمه تصرخ زياده ..
منتديـآإت جوهرة الكون
www.z55z.com

الجزء الخامس

حريز كان طالع من الميلس يمشي .. فتح باب الصاله وخواته يالسات ..